Mar 07 – MAHAKNA PUKNING THEMJINBIGANI !

“mama amana themjinbibagumna eina nahakpu themjinbigani,aduga nakhoi Jerusalemda nungaigani.” (Isaiah 66:13).

Mama amana macha amabu pukning themjinbiba adugumna Iswarna eikhoibu themjinbiba asi kayada nungaibano? Mapa amana machabu warak pibani aduga machanadi pukning themjinbiba asi pamjei. Imung amagi manungda pukning themjinbiba asigi thoudang asidi mamasingna lou-i.

Imung khradadi mapana yu ngaoraga hallaktuna machasingbu phuduna lei. Kanagumba imung amadadi mapana thabak ta adum chillaga leibagi machasinggi damakta matam kaithokpa ngamdraga lei. Kanagumba imungdadi khatna cheinaraga  leibagi machasingna adumna matou tamlaga leire. Madugumba phibamdadi mama khaktna pukning themjinbibagi thoudang asi loubani. Iswarna mamasing asi pukning themjinbiba gi thabak asi sijinnabani. Mahakna asumna mama amana pukning themjinbibagumna eina nahakpu themjinbigani haina phongdokpani.

Mapa amana machabu pubagumna Iswarna nahakpu puribani. Aduga mapa amana machagi mathakta nungshiba thambagumna Iswarna nahakpusu nungshibani. Aduga loinana mahakna nahakpu mama amana nungshibibagumna nungshibani. Abraham gi maphamda mahakna El Shadai gi saktamda phongdokkhi. El Shadai haibagi wahei asi Hebrewgi lonni aduga masigi arthadi mama amana machabu matampakta loukhatlaga pukning themjinbibagum na Iswarnasu eikhoibu themjinbi haibani.

Ayambada mapa amaga macha na matam lenminnabasi yamde. Maramdi mapasingna athappa lamda thabak touraga yumda pak hanjillaktaba oirambagini. Adubu machasingnadi mamasingga ayambada matamda lenminnei. Ayambada mama na mapagi thoudang su louraga lei haibasi eikhoina uba phangi.

Karigumba matamda mapung phakhraba yum pankhraba machasu leikhraba msing phaonasu karigumba narakpa matamda makhoigi mama singgi loinabiba adu khouranglakpani. Mama na makhoibu themjillaga nungshiba wahei da thougatpiba adu pamjei. Asengbadi mama amagi minungshi asi kananasu mahut sinba ngamlaroi. Mama amana macha amabu keidoungeidasu kaothokte aduga nungshibasu hongba leite.

Prabhuna hangli: “Nupi amana mahakki khomjingliba machabu kaoba ngambra, mahakki mapukthokki macha nipabu   mahakna chanbiroidra? Hoi, makhoina kaoba yai, adum oinamak eina nahakpu kaoroi.” (Isaiah 49:15).  Iswargi machasing, Iswarna n ahakpu kaoba leite. Nahaknasu nahakpu  asukki matik loinabiba adu kaoroigadabani.

Dhyan tougadaba: “eigi misingbu themjinbiyu. Masi Iswarna haibani. Jerusalemda haibiyu, “haibadi mahakki lan gi matam asi loire, aduga   mahakki papsing adusu kokpire.” (Isaiah 40:1-2)