Mar 03 – DEV BHAR CHALAVACHA

Dimovupadesher grandh 11:23 Janna Dev thamar mundagethi yee sari janner malaven bhar chalanakacha;tham thamathi jada jorevaler deshevun swadheen karlocho.

Dev thon vacharen thar saru nora karacha. Vu Prabhu thar vadithi ladai maracha. Thothi vairyven chajako sey janner malavevun thar dai na raju karnakacha.

Canaan deshen Yisraeleval swadeen karleni aang vu jagema masaj jaatheval, rajavo vunder phojeval vasarethey. Mangaler ghee ann dud radan jaarijako vu deshen Yisraeleval swadeen karlenu katho agediya votha vasarejako vunden bhar dakalnaknu.

Vachanema dekaju vu javema masan jatheyval chakan dekacha. Dimovupadesher grandhema 7:1-2 vachanema dekatho thu swadeen karlenujako deshema tharo Dev Yehova thon lejan masaj janner vacha katho lekema jorema thothi meeran chajako Hithiyuleval Girgasiyuleval Amlriyuleval Kananiyuleval Perijjiyuleval Hivviyuleval Yebuseeyuleval 7 jannevun thar mundagethi bhadkanakajer pacha tharo Dev Yehova vunden thon havaal karnakajana thu hunden marnakenu, vundethi Karar nakarnu,vunden daya dakalnukoni.

Yee vachanema athmik aratham sada cha 7 malavo Katho voseji Deven aado karevalaj. Thu vunden dekan chamaknu koni. Prabhuj vunden bhadkanacha. Athraj konipan Thuj vunden bhadkanekesaru joren dacha.

Dehaj Dever admivun agedi vairy vencha. Yee dehamena Maandsos kajako bhalan thar athmik jeevanema ladai marukaracha. Atho masaj admi dehmer asana puro karevasu Devkidojako soganer vathen bhuljan cheti jayeval cha. Kenmalam thar jeevanema jayam cheniju banchrochi kaiko. Athoi thar dallen Prabhun denakastho Vu Prabhu thon dehmer asathin jagemar sathaner velathi jeethersaru Vor krupan dakalacha. Prabhur vumper bharosan melatho thon jayamden thar virodhivo sey ghalajako sosen malam karlen deker Viswaser ankin dacha.

Ginthir grandh 13:33 vachanema chaju Yee kunas desheval ann kunas janneval kajako Yisraelevalemathi gudacharir nai melethey jako hanu key ,votha Anaker valadeval vethey vosey deken hamar ankin masaj motur nai dikaye. Athra jada jorethi bharan vethejako vairivo Deven adothedo vethejakonen Devaj Yisraelevaler mundag naraju bhadkanako. Mar premevalavo vu Prabhu thar jeevanema sada ghan moto kaam karevalo cha kan herdey mella.

Ajji jada dhyan karen pado Dimo vupadesher grandh 11:25