Mar 02 – DEV MELACHA

Geeder Grandh 107:20 Vu Vor vathena melan vunden varukaran ; haalethi vundena bhaar kado

Apan kathra hachethi chako apaner bhai bandevun malam kanru katho vuthara lakkan ko phone karanko malam karacha.

Lapan Dev apaner vacha Vor vathen melrocha . Vuj Dev aaj vor  vathen apaner katmaler vacha Dever vadithi avajako swasthathan melroch.

Lokmema kajako vathenan Dever vathen masaj pharak cha. Lokmema cheniju dikarijako vu Dever vathema chajako Athman Jeever vadithi dikavacha. Vu Dever vathaj jeevadama jeevena, langa dakal pharrejen genedharer nai karacha. Dev Vor vathen melan jannun sejini varu karacha.

Yek Romar so siphayir sardhar Yesu Prabhu varukarevalo kan valkotho , (Mathai 8:8) vachanema hanu vanchacha , pan ,so siphayir sardhar – Prabhu thu mar gharema aayen ma chajuni ; yek vaath kenakastho dher , jana maar baaya varuvacha. Sari jagenaj voma chajako surya chandravun , tharavun vathethi srushti kidojako Dev , thon chavnu jako arogyan swasthathana denu katho vu Dever butha venikai?

Mathai 12:34 vachanema chaju , saaper valadevalo , tham maand ven aach vathena kim kariyo ; dall bharan chajethi mundo vathey karacha. Apaner Prabhu premethin dayathi  bharan chanethi Vor mundemathi varu venu kajako vathaj avacha.

Ajjek jaag Yeshaya 55:11 vachanema Yesu bapu kacha , Maar mundemathi aayijako vaath , vu vath kaamdenijako taal valer nai gachab hoto ayeni. Lapan Ma melojako vath Mar asana puro karan Ma kervaasu melochuko von bharpur karnakacha.  Jethi thamema kunvatho kamjor chojako joren palocho, varu cheninako Prabhur vadithi varu vejavocho.

Dev yek haptha Vor vathen meloch katho  vu dai chakey dur chakey kajako dekeniju kam karacha. Manikya melajako yek ray dharthi sari 7 haptha  phero pharlen avach katho ajji kathra jada Dever vath aanki meechan kadathrama jaan hoto avachko sos karlo. Yirmia 23:23  vachanema apaner Dev hather athra dai chajakonaj koni pan duramema sada revalo Dev . Yakob 1:21 vachan kaju Devar beptavo Thamar dallema gadan thamar Athmana rakshan karena jor karajako Dever vathena shanthithi maanlo.

Ajji jada dhyan karen pado Geeder Grandh 103:3-5