Mar 01 – DEV DACHA

Geeder Grandh 84:11Dev Yehova ,suraj ann daal cha ; Yehova krupanan mahimana dacha ; saspanethi chalevalena kunsi bhalayina kareniju reni.

Apaner Prabhu krupathi bharan cha jethi Vu thon sada dayan dekalevalo cha. Vu krupaj thon gherlen Dever mahimama chalavacha. Vu krupaj thon yek daaler nai ren thona avajako sey tharar keedethi chodavacha.

Ma jada krupa kajako vatheper dhyan karuchu. Masaj chithravuma Dever seva karevaler kapaleper neelo rangema brabhamandalen dittochu . Voma apan kathra jada Deven sthuthi karachako athra jada vu neelo ranger prabhamandal vadukarach kaiko kan ma paricho kido. Ajji jada yek admir jeevanema Dever krupa chonakaken dagarjavatho von vairy chajako sathan pakalden haljalacha. Jethij ma Dever krupar vadi jada dhyan dethani vu Dever krupamaj herghadi jathanethi revnu keluchu. Kanna ma Krupa kajako vatheper dhyan karuchuko jana vu krupa Dev manna Vor premethi dayathi ma achethirenu ann aang  badan navnu kan demeloch kethani malam karlinochu.

Yee Dever krupana thu thar jaankarithi reda thon chajako akkalethi payer veni. Yee Pavithar Athmar Devethi amelijako vara vencha. Calavry siluvamthij thon malijako yee Heriyar bhag lapan vu thar kashtathi kamaler veni.

Vu krupathij thu baljavanaju abbethanu mundag chalaricha ken herdeymella.

1 Corinthivalun 15:10  vachanema Aposthaler Paul vonvuj kamkarlen hanu kacha, athoi ma kai venchuko vu Dever krupaj ; vu maaper vundayojako krupa taalo vokoni; vundema sethini ma ghano kashta kidochu ; pan ma koni maar sath rajako Dever krupaj hanu kidocha.

Mar premevalavo kannai thu thar kashtama reda thon chajako akkalethi reda thar padavni vadi reda thar katmalen deklen reda garab karanaju thonthuj kam karlen Dever krupaper bharosan mellenu. Janna Prabhu thon jada krupan dekalan sethi jada vuncho vaddaju karacha.

Ajji jada dhyan karen pado Geeder Grandh 116:12-13