Feb 28 – PUKNING ANI LONGBA !

“Mahak pukning ani longbani, mahakki lambi khudingmakta areppa leitabani. ” (James 1: 8).

Nahakna khu-u khudak kullaga haijadringeida nahakki wakhal adu munna yengsingadabani. Masi yamna maru oibani. Aduga nahakki haijabada ayetpa piba yaba khudingmak adu louthokkadabani. Nahakna thawaigi oiba amadi thabak oiba yaba haijaba leitrabadi nahakki prathana adu thabak touba oiroi.

Zoo amada angakpa oiba numit yungbi ama thamle aduga maduna mi mayam gi mit chingsinkhi. Maduna makok ani panbani. Makok ani suba adu mamei lomda panllami. Madu mamit ani pallami aduga machin su ani pallami.

Mi mayamna yengningba oiba tarabasu mahakki phibam adu yamna nungshiningai oirammi. Mahakna chenge haiba khudingda maikei amatadasu chatpa ngamlamde. Maramdi mahakki kayat sing aduna tongan tonganba maikeida chatnaba hotnarammi.

Mi ayambagi prathana romda adumna oibani. Makhoina nakan amada Iswargi loinabiba adu pambani adubu nakan amada di taibangpangi langtaknabada pik thankhi. Makhoi kanagumba khradi hakchangna Iswargi maithong thirabasu makhoigi thawainadi matam aduda loisingadaba imunggi thabaksing adugi maramda wakhal touraga leibani. Makhoigi punshigi nakan amada asengba punshi hingba pamkhi adubu nakan amadadi phattaba khusil thourang touraga lei.

Pakhonchatpa Jamesna asumna hairammi, “mahak pukning ani longbani aduga mahakki lambi khudingda areppa leitabani. Madugumlaba nipa aduna Iswardagi karigumba phanggani haina asa toudasanu. Adubu chingnaba leitana nijasanu, maramdi kanagumba chingnaraga leiba mi adudi nungsitna koihum humliba ithak ipom gumbani.  (James 1: 8,7,6).

Nahakki prathana da apanba piriba adu karino? Madu nahakki houjik oiriba thoudoksing oirambasu yai, natraga nahakki pukning ani longliba adunasu oibasu yai, natraga nahakki naral amagi maramdasu oiba yai.

Iswargi machasing, nahakki prathana apanba piriba adu kari oirabasu mutthatnaba hotnou. Nahakki haijabagi punshida pukning ani longbasi kannadabani haiba khangle hairaga pukning amata thamlaga haijarabadi nahak chaokhatkani haiba adu oibiyu.

Dhyan tougadaba: “adubu nakhoigi papna Iswardagi khaidok hanbani,nakhoigi papna mahakki maithong adu lotpani,aduna mahakna nakhoibu tabidrabani.”  (Isaiah 59: 2)