Feb 26 – HAACHPAN

Ephesivalun 5:9 Athmar phal soli goneman, niyatheyman , saspaneman malamvacha.

Thu haachpanen dallema mellastho jana thon hachpanero admikan kacha. Janaj thu yee hachpanethi Dever ankiman admir ankima sada maryadin maanpan palechi. Kunvatho Pavithar Athmathi bharamelechko voseji Dever hachpanethi bharanracha. Apostle Paul kacha Romavalun 15:14 mar bhayiyo , tham hach gonethin soli genethi bharan, yekkenyek akkal kena joreval chokan ma sada thamar vadi gnat nammuchu. Ach dall chajako yek panir nandir nai racha. Kuvatho ach verimathi ach pani avachko hanuj ach dallevalemathi achpan bhar avacha. Yee panir verithi ghan manikyavun phaido vaju hachpan chajako admivadithi sada ghan admivo ashishen pavacha.

Barnabar vadi vachan kacha Aposthaler kam 11:25 barnabaan Saul dharmer sevana puro kido. Katho Barnaba yek acho admi vetho. Vor asthin vechan ayijako pisan laan Aposthaler pagema melo, vu pisathi Dever seva chalnu kan , raand beerevun ann anathavun sahaya vacha keldo. Yeej Barnabar vadithi sey Saulen choti kidetho yee yekloj Paulen dai karan ,Dever seva karajeman Paul katha javathoi vor laar jathani madath kido kan dekacha.

Vu Barnabas Dever krupan valkaldo jethi vordakalaj seji renu keldo. Thodsek viswasivo hamar kaam ajjeken madath kareroj kan seni dekalukarach pan, vunder dall maaj haach renu kajakoj vunder dallema bhediya cheerajum swartha rakalden banchu karacha.

Yisraeler dadema Prabhu vunden dekan hanu ko, Ephraim, thon Ma kaikaru? Yuda thon Ma kaikaru? Daado nikalesath vajal vodjaavju saanjer vona hoss padaju thar bnakthi yekjaag rakaldero koni.

Kunsi thara swartha chenijakonan mando dall chenijakonaj achpan kajako Dever Athmama revajakoner phalvencha. Thar hach kamethi hacho keraler hathayeni. Yee hach pan kajako kanna thu Devethi bhalan Pavithar Athmathi Sahavas karichiko jannaj thona abbacha.

Ajji jada dhyan karen pado Romavalun 15:14 mar bhayiyo , tham hach gonethin soli genethi bharan, yekkenyek akkal kena joreval chokan ma sada thamar vadi gnat nammuchu