Feb 24 – VISWAS

2  Corinthivalun 4:13Viswas kidojethi vatheykodokan lakkan chajer nai, ham asso viswasmer athmar ven viswas karajethi vathey karacha.

Vachanema 4 thara viswasmer vadi lakkan cha.  Voma yek vadbudethi ann sadharan vadi ayijakon. Deemo viswas vu seekhvadithi Aamalijako. Yee viswas sada Dever vumper chajakonaj . Theenmo viswas vu Dever athmar vara vencha. Charmo viswas vu Athmar phal vencha.

Viswas kajako yekenyek dekeniju racha. Athoi thu Dever Athmathi bharathani viswasmer phalen phalaju renu. Luka 17:5 vachanema vanchatho Yesu bapur chelavunaj viswas ann arajkarero ghano avashyam vethi kan dekacha. Yesu baapu Marthanan Mariyan vunder bhai margoja viswasmethi ku renu ko malamkarnu keldotho.

Yohan 11:25  jen Yesu _ jivyaveron jiv maj , man viswas kareval marathoi jivyvacha kan kathoi vunden viswas vethikoni. Jethi vo doi bhalan Yesu bapun hanu puchey, ” Prabhu thu atha ridovatho, hamar bhai marthokoni kaiko . Vujjek vath bhi hanu key , ‘ haav margojako hamar bhai punarusthanmema akharir dadema  pharan vutacha”. Ass viswasmema chajako Vunder viswasmen jada karer vasu Margojako Lazarena pharan votado.

Hanu achamkalar kamen dekajana apaner viswas badukaracha. Dever admir gavai samalajana apaner viwsas angarer nai racha. Vachan kaju Sthephen Viswasmethin Pavithar Athmar mayi bharan vetho, jethi vor vadithi  ghano achmakalar kamevo ann adbhuthavo chalikan dekacha.

Kanna thu Pavithar Atmathi ann viswasmethi bharan rechiko jana thu sada Dever saru ghano moto kam karen sos karechi. Vu sosethi thu Dever saru ghano moto  sabhan bhandechi,ghan jada karodema malaven chalayechi anna  ghan achamkalar kamen karechi. Kunvatho Dever vatheper puro viswas melan vo vather nai hakkamethi thar mundemathi kechiko jana vu chalacha.

Mar premevalavo thar viswas Dever vathema ghat renu jana Yesu bapu thar vadi acho viswas chajako kan keralechi.

Ajji jada dhyan karen pado Hebrivalun 11:11