Feb 22 – BAATI

Yohan 6:51Maaj swargethi vutharan ayijako jeever baati; yee baatin khayevalo hamesha banchacha; Ma dujako baati jagathir jaanevas Mar jeevadaj kan, saasij sasij thamena kerochu.

Dev manikyan thayar karan Yedoner thotama melan khayen baatirnai jeevder jhademathi phalen den bharpur jeevano banchnu.

Jeevder jhademathi phal dinojako Devaj Israel jannen Asmanethi Mannan kayen baatirnai dino. Apanen vatho Jeevner baatinaj denakoch. Apaner daadir baatirsaru arajkaratho, jana Prabhu vor vathemar gudesarikan sampathirnai denakacha. Vu vathemathij thar jeevadan jorethin thakathethi bharnakacha.

Thodsek viswasivo vunder dadir baatichajako jeevaner vathemar jor malam cheniju kamjorema banchu karacha. Jethi vunden avajako kaklothi vadi kamjor vejavacha. Vo viswasi Dever vathkajako batin samaleni ann vo Dever vathemar viswaser jeevanen shuruj karenin Dever soganer vathen hakdhar veni. Dev kannai Vor beptan haach cheej denu kelacha. Jesaru Dever jeevaner vathen  thar jeevano sari khayer batirnai khavukarnu. Yek Bibiler genidhar hanu ko, ” ma 65 varsethi Bible vanchrochu, athoi abbethanu ma Dever pagema Bibilen vanchu jannakella yek vidyarthi nai meetojarak chajethi mar dall pasand vajethanu seekervasu paduchu kan ko”.

Vachan kacha Yohan 5:38  Mar khatharena karena Ma ayokoni; manna melojer khatharernai karenaj,Ma swargethi vutharan aayo. Katho Bibilaj Dev apanen Demelojako kithaber grandhalayamer nai hathema cha.

Ajji Dever vaath kacha Geeder Grandh 84:10 Thar anganema yekdaad rero hajaar daadethini sresht cha; bhakthi chenijer derama vassajethi, mar Dever Devalema baakaler dayi reroj manna khathar cha.

Mar premevalavo Dever vathenaj thu khanernai lelastho vothi pasand vero khano dusar kunsi cheni.