Feb 21 – BHALMALAN RERO

1 Yohan 1:3 Thamsada hamar saath bhalmalan rena, ham diteyjenan, samalejena thamena malam karrecha; ham bhalamalan rero Baapethin Vor beta Yesu Christhuthi cha.

Apaner Prabhu apanethi bhalmalan revunchu kan sogan khamelocha. Thar jeevada ann athma doi Vo Prabhuthi bhalan cha. Vu Prabhuthi thu bhalan rechi.

Yek  Bud yadi vethi  vor kaam karlen yeklij gharema vethi . Von chodan vor beptavo dusar malkema banchrethey .Jana vu bud yadi vor vagathen Bible padajeman araj karajema gamaleniju TV dekan vomaj mar vagath gamalero masaj aach kaam keldi. Yek dad TV dekritho masaj admi bhalan daya cheniju yek admin marnakerejako dekalrethey. Vu dekan achethi vethijako vor mann sari galath vegi.

Thar sanagathi ann bhalmalan rer kunas jagema gamarochi? Kunas tharar dekrochi ,kai vathey karrochi? Yekhaptha sochkaran dekla. Haach yadibaap vunder bepta haach dosthidharevuthi dosthi karnu kelacha.

Ajji jada vo yadibaap haach dosthivun dhundan lavacha. Yek vela mand dosthivuthi vunder beptavo ratho assuthi cheti renukan sikhvadi karacha. Kankren katho ach dosthivuthi dosthi karatho hamar chachabrer jeevano ashishethi racha.

Apaner Acho dosthi kunikoni vu Yesu Christhuj, vu Prabhu apanethi hamesha malbhalan renu kelacha. Vuj apanen Mar premer dosthi kan preethithi balarocha. Thu Bible padasjanna Prabhuthi Malbhalan rechi. Thu kanna godi valan  Prabhur soner munden dekan prarthana karechiko jana thar athma Prabhuthi malbhalan racha. Ass vagathema Prabhu kethi cheti reni pan sethi dai racha.

Kanna Dev Manikyan vothi malbhalan renu kan srushti kido. Vu manikyathi vathey karnu kan sanjer vagath seelvela ayotho. Vu manikya papethi Dever dai ayothoi vunden cheti kidokoni. Hanu gamgi jako sahavas Yesu kajako rupamema manikyar nai dharthiper Vu Devethi malbhalan renu kan bhelnako. Premevalavo Herghadi

Devethi malbhalan revo. 1 Yohan 1:6 Apan vothi bhalmalan chaakan ken, andharema chaleval vatho sather nai chalaniju labbari kevaal vemacha