Feb 21 – Fellowship!

john 1:3 aru hosa bi amikhan mila tu baba aru tai laga chokra jisu krista logote ase.

Itu ekta bishi bhal dishe amikhan ke isor pora ki tai ami khan logoye mili kene thakibo. Apuni laga mon aru atma tai logote thakibo. Tai apuni logote thake. Aru apuni lagatar tai logote mili kene thakibole pare.

Ekta bishi buri maiki thakishe jun hi nijor thakishe sob kuri kenetai laga ghorte. Kile koile tai laga bacha khan sob bi alag  desh te kam kuribole jai kene thakishe, aru tai ekla hi tahkishe. Inika ekla thaka homoi te isor laga khota puribole lage, mahima laga gana kuri lage aru prathana kuribole lage itu khan sob chari kene tai tv te hi misa mishi sai thake bhabna kuri kene ki tai ekla thaka tu hoile itu khan kurile dur hoi jabo.

Ekdi tv te dikhishe, manu mora laga scene dikhi paishe- jote ekta bhal manu ke biya manu pora bishi biya pora chaku mari kene morai dishe iku bi morom nalagi kene. Itu scene sai kene tai bhoi lagishe aru itu pora hi tai laga shanti harai dishe.

Kote apuni laga hosa pora fellowship thake? Kinika kisim laga saman apuni hune aru sai? Itu ke bhabna kuribi. Bhal ama baba khan tai laga bacha khan bhal sathi banabole bisaribo. Tai khan bi sathi bi bisari diye kunuba homoi te. Aru judi taikhan biya manu ase jani pai toh tai khan laga bacha khan kea lag thakibi shikai thake. Tai khan jane ki khale bhal sathi khan pora hi tai khan bhal jibon thakibole paribo.

Amikhan laga bhal sathi jisu krista , hodai din apuni khan logote mili kene thakibole mon. tai apuni khan ke morom pora sathi hi mate. Jitya apuni apuni isor laga kotha pure, apuni tai logote fellowship thake.  Jitya bi apuni ghutna tea he, aru taike prathan kure, apuni laga atma tai logote mile. Kile koile isor tu tai logote dur nai jun taike bisare.

Jitya isor manu ke banaishe, tai manukhan logote fellowship thakibole mon jaishe. Tai hodai din te taikhan logote mili bole ahe. Aru manu tai laga pap pora I mili kene thakibole napara hoishe, hoilebi isor pora chari diyanai. Tai nijor ke jisu banai dishe manu laga roop  te, itu fellowship tu ani bole  jitu mau pora harai dishe. Isor laga bacha khan hodai din isor logote mili kene tahkibi.

Aji bhabna kuribole laga pobitro kotha tu hoile 1 john 1:6 judi amikhan koi amikhan tai logote mili kene ae, aru berai andhera te, amikhan misa koi aru hosa ke nakure.