Feb 20 – ANGURER RASS

Mathai 9:17 Vujji navvo angurer rassena juno thithima vundan rakadeni; vundan rakadatho thithi phutacha, angurer rass radacha, thithi sada halvacha; jethi navvo rassena navvi thithima vundan rakadacha; jana doi jathanethi racha kan ko.

Kanna Christhu yek admir jeevanema pedavachko jannaj vu admi yek navvo srushti ven cha. Katho vor jeevanema juno seji dagarjaan seji navvo veja vacha. Vu navvo admir athmik jeevanema vaddan avnuken navvo jorethin navvo krupathi navvo dosthidarevuthi maddath karacha. Seji navvo vegijethi abba yethethi vu admi vor chalanin navvo karlenu.

Masaj manikyavo juno tokadathi navvo tokadana bhelan gatavnu kelacha. Hannu karnu keleval vu tokadana deevodi cheerero thappa ajji kai karer venikan herdeymellenu. Vujji navvo angurer rassena juno thithima vundan rakadeni; vundan rakadatho thithi phutacha, angurer rass radacha, thithi sada hallvacha .

Yek manikya Christhuma ayochkatho vu manikya ajji vor juno chalevun papen loker asana,ann ma yekloj haach ratho dher keler sejini chonaken ghat dallethi Christhursaru Dever beptar nai banchnu lagacha. Vu dee dallethi renu koni, yek taang jhajeman vujjek taang dhudema melnukoni. Vu yekkaj haptha dee jhajema payanam karnu koni. Vajalenan rathen sambandh cheni. Niyatheydharenan Njyathchenijena,ann Christhunan Belialen jodi cheni kunika.

Navvo angurer rass Christhur loyeen dekalacha. Agadiyar Yesu bapur sevam panin angurer raaser nai badlanako. Vuj Yesu bapur akharir sevar dadema yek kacholina len yee kacholi m Mar loyeer navvo kararer cha kan ko.

Angur jako Christhur loyeema dhoramelojako navvo dallen dekalacha. Katho navvo angurer rass navvo admin malam karacha. Vu navvo admi ma Christhuvalo chu kan herdeymellen hanuj banchnu.

Hanuj Christhu kasekeri jeevanen vathoi panin badlathanu navvo angurer rasser nai kidoju badlavni karnakacha. Vuj Prabhu yek samanya admin Dever gun chajako admirnai badlanakacha. Hannu badlavni vegejako Christhuthi bhalan chalatho vunder jeevano meetojarakethin pasandvaju riya.

Mar premevalavo yekhaptha thu Yesu Christhur vadi savaad halgochikatho ajji loker majakema padan hoto javnu koni. Prabhu thon haachas angurer rasser nai badlavni kidojerpach ajji vomaj renu lapan lokmema bhaljavnu koni.

Ajji jada dhyan karen pado 1 Corinthivalun 11:25 Baati khadejerpacha vu vor naiz kacholina Len E kacholi Mhar loyir Navo karer Cha: Tham yen pivajana Se manna Hardelalena Yena karokan Ko.