Feb 17 – Itu khan polai jabo!

Isaiah 35:10 jehovah pora bachai diya khan wapas ahibo, aru khushbi pora gana kori kene zionte ahibo. Taikhan laga kityabi khotom nahobole laga khushi khan bhorta thakkibo. Taikhan sob bhal khan aru sob khushi khan pabo aru dukkha ru digdar khan polai jabo.

Khushi aru bhal khan joldi pora ahibo jun khan ke isor pora map dishe aru jun khan tai ke bisari she.  Aru itu homoi te hi biya aru dukh khan polai jabo tai khan pora. Itu ekta bishi bhal ashirbar ase isor Jehovah pora manu ke ani diya.

Jun din pora adam aru eve pap kurishe, itu prithibi tu shrap te dubi jaishe. Aru maiki jati laga dukh tu tu bishi hoi jaishe, jitya tai bacha ke jonom diya laga tagot paishe. Pobitro kotha te koi: manu jun hi maiki pora jonom hoi olop din te aru bidhi dukh te. Job 14:1.

Sob manu bi tai nijor laga dukh dagfdar ase. Jacob pora pharaoh ke koishe: ami berai berai kene eksau tis sal hoishe. Ami laga khandan khan laga  baba khan laga sal khan saishe koile itu sal bishi komti aru bisi digdar laga ase. Genesis 47:9.

Raja Solomon bi, jun hi iman gyani thakishe, aeu bishi dhon thakishe, nam aru ijatt thakishe tai bi tai laga dukh dikhdar nathaka thakanai. Ecclesiastes laga kitab te koi, suraj laga  nichete ki ki hoiase ami itukhan sob ke saishe aru ami apuni khan ke koi diase itu khan sob misa mishi ase. Itu khan hawa ke kheda bo le nishina ase. Ecclesiastes 1:14.

Isor jisu tahi laga mon te jani kene hi apuni khan ke bacha bole ahishe. Itu karon nimite hi tai swarg pora prithibi te ahishe jote dukh pora hi bhorta ase. Tai nijor lagak khun dishe ami khan ke mukti dibole aru dukh aru digdar pora bacha bole.

Pobitro kotha te koi: 1 peter 1:18, 19 apuni laga baba khan aru khandan khan apuni khan ke kuntu kuntu misa mishi kam khan kuribole dishile utu pora apuni khan kea lag koribole nimite kiman bishi dam tira bole dishe itu apuni khan ke janai ase. Itu khan ke sona chandi khan nishina bangai dibole inika nahoi. Itu bhera laga bacha nishina jun laga iku  bi dag aru biya natha ka nishina krista laga khun pora ashishe.

Iso rlaga itu daan pora hi  aji apuni khan khara kuribole pariase isor pora chuni loa bacha khan nisina, aru dukh thaka manu khan majete nahoi. Pobitro kotha te koi: Isaiah 35:10 jehova pora bachai diya khan ahibo aru khushi pora gana kuri kene ahibo, kityabi khotom nahobole laga anondo tai khan laga math ate loi kene. Judi isor pora apuni khan ke bachai dishe, tini hoie apuni khan iku ke bi bhoi khabole nalage. Aru khushi pora kobi ki apuni hi isor laga bacha ase jun hi raja laga raja ase.

Isor laga bacha  khan, jitya apuni dukh aru digdar tea he, isor jisu ke sabi jun hi bachai she apuni ke pap aru dukh pora aru tai pora apuni ke sob dukh te bachabo.

Aji bhabna kuribole laga ppobitro kotha tu hoile lamentations 3:32,33 tai amikhan ke dukh dilebi, tai laga morom ase aru bisi tagot aase. Tai amikhan ke dukh aru bikhabole di kene tai nije khushi pora nathake.