Feb 17 – Sangai Yerre Szdteji!

“Bar Gamangtungan saring tanandzn hangten a mandranji kanenkenan kenle Sionban daiyarre yertaiji; tarda ayaman a man’oihan ranubbobge aninji a b’ob lingan dakute; aninji man’oihan do anerdikan hangteji, danukkan do ruyemnan sangai yerre szdteji” (Jisaya 35:10).

Kitungan amang saring butente butente anablun hangleji aninji man’oihan do anerdikan hangteji. Kun ayamling, danukkan do ruyemnan sngai yerre szdteji. Kani na ate anabsittaberan ayengan amandranji anablun hangleji Kitungan saring.

Adam do oban pintun alumleji saring kun dinna saring, ordaran danukan batte anangan dele. Do inslon adanukkan barij dele, pasijanji arasudan batte kudetenji. Bibolan d’onglen gamte: “Insalon batte karudkud delen a amndra anin ayaman asuidam do danukkan batte barijdam” (Ayob 14:1).

Dile mandranji akanalkalan do danukkanji daku, arasudan do kananlkalan. Jakub gamete Paron a d’ong, “Bitunage barasu-hen a dinna bo sua bokurdi-galji minhum. Mandrengna-hen ayam asui do rakkardadam bar abmang juju-henji a m’englenji ayaman ambrij ted” (Aparamangta 47:9).

Raja Solomon janang, ayengan amandran surda banudin dakule, do bitidam, bitimar, ahiman do panemengan, etigoi anin amangan janang danukkan do arasudan dakule. Hanangber-lingan, anin gamle: “Uyungan a jaita a deten a kuddub lanumanji hen gijlai do gijba, kan kudduban asanggedam. Kanate ranggen gongle a hamtaben ambrij” (Hanangber 1:14).

Kitungan Jisu Kristun a uggarlingan dakule d’ong abluben asan. Kan ate Anin a itsuman dakule ruangan saring ordarban yiran yirre, danukkanji atindamnaben asan. Amihamdaman tiyle, anablu ajanatin ambrij Anin tiydamlen do pintunlenji asan.

Bibolan gamte: “Iten asan ganlenden juju-benji saring a hanglen a kayatingge mandrenggodan saring a s’zdtenji a janaban, manan, ruppan orde ranan batte tanandzn er delabe, (1 Pitor 1:18, 19). Kitunglen atiydamnan batte, anablumaranji gamle nami amben atanang daku, do danukka-maranji ted ambrij. Bibolan gamte: “Bar Gamangtungan saring tanandzn hangten a mandranji kanenkenan kenle Sionban daiyarre yertaiji; tarda ayaman a man’oihan ranubbobge aninji a b’ob lingan dakute; aninji man’oihan do anerdikan hangteji, danukkan do ruyeman sangai yerre szdteji” (Jisaya 35:10). Bogad amben anablu ahangleden Kitungan amang saring, amben idjaja abmele abantongdong. Do amben agamben dete Kitungan a pasijanji gamle, Rajanji a Raja do Anin adanelingan.

Tanahimdam Kitungan a onagji, angante amben danukkan do kanalkal-lingan adkuten, Jisun amangban gijgijba, butente anablun tiyle pintun saring hibenten, do Anin dongrabtaben.

Okiy Kinolbe absele: “Anin kanalkalan tiyle janang den Anin suyem-gijte; Anin a erztna asuyeman awrdam. Iten asan gamlenden Anin a itsumdaman batte mandran a d’ong kanalkalan orde danukkan attiye” (Edana 3:32, 33).