Feb 18 – PHIREP !

“Adubu Danielna ningthougi chanabagi saruktagi tamliba aduna, natraga mahakna thakliba yuna masabu manghalloi haina mapukningda chap yungna leplammi. …” (Daniel 1: 8)

Nakhoi pumnamak na anouba chahi lakpada anouba phirep louramgani. Tha khuding, numit khuding lougadaba phirep su leibani. Masi khudingmak asina nahakki thawai gi punshida henna phagatnaba mateng pirakkani

Mathakki verse ta Daniel gi phirep adu yengbiyu. Madu asengba punshi hingnabagi phirep ama oirammi. Madugumlaba phirep louriba Daniel gi mathakta Iswarna yamna  ikaikhumnabikhi.

Nahakna asengba punshi hingnaba yamna thawai yaoringei  aduda Iswarna di nahakpu asengba punshigi lambi khongthang aduda leppa leitana nahakna khongthangba adu pammi. Sastrana hai, “nakhoibu koubiriba mahakna asengba oibagumna nakhoisu lamchatta asengba oibiyu.” (1 Peter 1: 15).  Nahakna asengba oiriba makhei Iswarnasu madugi chang aduda nahakpu sijinnagani..

Anisubada, nahakna maram oiraga kana amatasu khudi thidanaba achetpa amadi mayek sengba phirep su loubiyu. Pakhonchatpa Paulna asumna hairammi,”adubu eina asumna phirep lou-i, haibadi kanagumba amagi damakta khudi thidanba eina lepchei. (Romans 14: 13).

Ngasidi khambannaba amadi asaoba asina yammanduna misingna madugi maramda wakatlaga leibana maram oiraga amana amagi damakta khudi thipham oire. Kanagumba misingdi aranba doctrineda lamserannare, aduga makhoibu Iswargi nungshibadagi  chingthoktuna misinggi damakta khudi thipham oire. Pakhonchatpa Paulna asumna irammi, “aduga eina masi haijari..nakhoina Christagi numitta asoiba yaodana leiba ngamnaba.” (Philippians 1: 9-10).

Ahumsubada, nahakki chingi mapanna papta tadanaba phirep lougadabani. David na hairammi, “eigi ichinna pap toudanaba phirep loure.  (Psalm 17: 3).  Pap mayam asi chingi waheisingdagi oirakpani. Asingba Solomonna asumna hairammi, “wahei yamlabadi pap wattabani,adubu machine  adu khudum challiba midi asingbani.” (Proverbs 10:19).  Numit khuding Iswargi wahei natana  atoppa misinggi aremba wahei sing ngangdanaba   phirep loubiyu..

Iswargi machasing masigi  phirep sing asi nahakna louba tarabadi Iswarna nahakpu bor pibigani

“Chap mannaba chin adudagi bor amadi serap thorakpani. Eigi ichin inaosa,madu oiroigadabanio. Iphut amadagi athumba amadi akhaba ising punna thorakpa yabra??” (James 3: 10, 11).