Feb 16 – BHALAYI KARERO DALL

Yesaya 32:8 Dharalethi dero dall chajako dharalethi moto kamen karacha. Vo hanu dharalethi kidejako kaamaj vunden hamesha herdelavacha.

Dharalethi denu kajako yee ach chaal premkarer dallemathi avacha. Yee aach chaalen heryek Dever bepta rakalden renu.

Yee thara manas ann gun admir jathemathi jada dusar jatheyma deksakacha. Jhaad vunder phalen gachab dacha. Kathra jada admi rathoi sejini khayen tharakarivo siddanga racha. Kukadivo sejini sammor vejavaju daadi vidan dacha. Samundaremar machalivo manikyan pasand vajako khano. Yee dusar jathemaraj athra jada dharalvadi dall ratho ajji manikyama kathra jada renu kunika? Thu Christhuval cho kunika jethi dharal mannethi renu kunika?

Mathai 20:15 vachanema Yesu Maro Mar khathrer nai karena manna hakk chenikai?Ma dayarojethi thar pet balachakai kan pucho? Ajjek vathema kenukatho seni devalo apaner Dev thu kankren kajusethi rechikan puchrocha. Apaner Prabhu Yesu seni chenikaju devalo cha .

Jethij Akharima ayothoi seri saman vagi kuli denocha . Bhukethi vetheyjako admivun 5 batti ann 2 machalithi seri peten bharnaKo. Vuj Prabhu acher vumperan mander vumper sada panin derocha.

Luka 6:35 vachanema Yesu baapu ko , thamar vyarivun tham premkaro; bhalayee karo; hoto kathoi nalenu kajako dallethi kAro; jana thamar phal jada racha; tham sethi vuncher bepta ven rocho; vu mandenan drohiyuna bhalayee karrocha.

Yekhaptha Yosepen dekatho, vu sada vor bhai panavo marnakevasu khadema begayethoi, bayar nai vechanakethoi, Yosep vor bhaipanan bhalayee karnu keldo, Agadiyar Grandh 42:25 vachanema vanchatho Yosep vor bhapanen vorvuj malamkarlen, Vor baap margojerpach sada vunden jammi dethani palo.

Yosepaj athra jada bhalayee karevalo ratho ; thu Calvary preman parmer Dever beptar nai ajji kathra jada bhalayee karevalernai renujethi ,mar Premer Dever beptavo tham gareeben premkaran vunder bhuken pedo jana Dev sada thamen achethi dekan ashish karacha.