Feb 15 – Teacher pora hi!

Isaiah 30:20 tai apuni khan ke digvdar homoi par koribole dibo, hoilebi tai nije tate thaki kene apui khan ke hikabo aru apuni khan taike bisaribole nalagbibo.

Purana niom laga homoi te, isor kotha kori thakishe pandit, prophets aru raja khan pora. Aru notun niom te, ami khan pai chela, prophets, evangelist, pracharak aru teacher khan dishe. Aru isor pora hi apuni khan ke sikhai diye, sikhai apuni khan ke tai khan pora. Aru dikhai apuni khan kekuntu rasta jabole lage.

Bishi bishi sal agete, ekta manu-  bro sam jebadurai, ekta  girja te jai thakishe juntu pastor paul yonggi cho pora cholai thakishe seol korea te. Tate kua kotha pastor pora itu bishi lab hoishe itu manu karone. Itu homoi te itu manu ke isor pora kotha kurishe ekta revival te india te. Isor pora koishe ki tai bishi prathana kura laga warrior banabo lage india te. Tai koishe ki ekta bishi sheva kora laga manu khan isor te uthi bole ase.

Itu karone itu manu india te ahi jaishe aru isor pora taike morom kuri kene thirupathur faasting camps shuru koribole dishe. Isor pora sonb laga mon ekta banaishe aru uthaishe bro mohan c lazarus aru brother thudhi Shankar ke tai logote hath milabole.

Bishi  junkhan itu manu logote lok hoishe, taike hudi tahke kinika tai 100 ta kitab khan likhibole parishe. Aru tai itu laga jabab inika koi kene diye: ji isor pora koi amike, ami koi girja te sermor loi kene. Aru ami ji prachar kure, ami itu ke likhe, aru ituke kitab banai. Itu kitab khan pora hi ase ki isor pora hazar manu khan ke kotha koi.”

Judi bi itya shuru hua isor laga  kam kura hobi nahoilebi age pora kuri kene uthi thaka isor kam kora manu hobi- isor sob ke kotha kobo pare jun pora hoilebi. Tai apuni ke bi kotha kuribo pare, aru peacharak khan pora bi jun khan chutu bosti te kam kure. Jitya apuni girja jaile, tate  apuni iku alag motlob pora jabole nalage hoilebi isor pora pauni ke kotha kuribo inika bhabna looil kene hi jabole lage. Aru apuni prathana kuribo lage  ki isor pora  hi apuni laga girja laga pracharak ke bhal pora cholabole.

Isor laga bacha khan, jitya isor apuni logote kotha kure ekta pracharak nahoilebi ekta teacher pora, ituke dhyan dibi. Itu kotha huna tu apuni karone hiase bhabna kuribi. Itu kotha pora  hi apuni khan ke shanti dibo, aru age jabole karone  ashirbad kuribo.

A ji bhaban kuribole laga porbitro kotha tu hoile Hebrews 10:25 iki logote mondirte lok kuribole laga adot ke charibole nalage hoilebi kunuba inika korri ase. Ulta lok kuribole nimite ekjon dusra jon laga mon dangor kuribo lage, kile koile isor aha laga din ekdom usor ahi ase.