Feb 07 – Tanalmadan!

“Riangan Kitungan a ganugun abpemengt! Do riangan Anin a s’i-lanumanji yan a paledge apsuite” (Sanenken 19:1).

Dile mandranji Kitungan a d’ong a timyimteji, aninji ganugudage gijteji, rumandaman do ranaptidaman Kitungan aganabdilaniji. Bo tabme Tanalmadan batte man’oih anablu j’en batte gijteji.

Angante amben bo langa kutaban agante, amben agijte lanangaji, bigarda bigarda tarbanji agijte, n’ebanji lanumu tiylangtenji uyungan saring do d’an janang sayu abmete. Amben a m’oihten Kitung-lingan do asente abanudin batte agabdilen asan kan kuddub rumangdage a oradar, anlen apsele.

Itedele-janang, bogad bo mandran kuttaban aganben asaileden, anin ogandite a j’e-lingan kan kutan yangam gadile gamle diyne alanga ajar ajar mihnum saring, kan ambrij aganabdilanji. Angante anin gijte, anin m’oihte idjaden sayimte. Biblan gamte: “Bindo d ongan a taramtamdage a mandra Kitungan a Janggardan a . bernan ajjae, iten asan gamlenden anin apsele antate kaneka na maih, bar antate anin rapti aggalame, iten asan gamlenden antate Janggarda taramtaman batte ganjjgijan dete” (1 Korintia 2:14).

Bo denna angante bo dormo maran do bo ganalam-maran aninji bo maneng saring bo maneng sikoija yirleji, bagunji tagoran ardodleji. Jajingante ayam atiki bo surda rungan yiraite, sisabongdam asanilgodan rabangleji, do aninji m’oihleji tagoran ahangben asan. Kun dorma maran turdumle do senenten Kitungan a d’ong tagoran arabanglenji asan. Anin bo ganalam maran a d’ong janang gamle, “Gija hen rabanlai kan sisabongdanji asanilgodan mandranted ate. Angante amben agijte kan asanilgodan, kan batte ganalaman dete sisabongdaji atagoran. Kun ambrij, angante amben agijgijte ruangban, hen galamtai koti-lingan Kitungan daku ganabdil-maran kan kudduban. Do hen gijle raptitai Kitungan asi batte agabdilemaran dile agadile janabanji, do dile nebanji.”

Tanahimdam Kitungan a onagji, Kitungan na ruangan do ordaran gabdile, do kuddub aganabdilan senteji. Anlen janang snkenral abguguben dete, ruangan do ordaran agabdile a Kitung.

Okiy Kinolbe absele: “Iten asan gamlenden ordaran a ganabdelan adnang saring itente Sanabjan dele. kun abmele ganalaman a delen asan Kjtungan a or abgij-taramtaman, manan, Anin a tarda ranaptin do ganugun abmeie ganijgijan daku. Anben asan dusan a anurdamnaber a jalangben asan aninji a ranaptin agassa” (Romi 1:20).