Feb 07 – UBAGI PANGGAL !

Atiya nongdonna Iswargi matik mangal phongdokli, mahakki khutki thabak atiyana phongdok-i.” (Psalm 19: 1).

Iswarbu nungshiriba mi khudingmakna mahakki khutsemsingdagi mahakki matik mangal soidana ugani. Makhoigi thamoinungda leiriba arankhubamgi nungaiba aduna hiram apumbasi anouba mitna uhalli

Nahakna phajaba leikonda changba matamda sanglaba lamhangsing adu ugani,aduga tongan tonganba leirang sing machu makhal suna ugani. Masi khudingmak adu yenglaga nahakki damakta asuk phajaraba sangsar asi sembiramba Iswar adu thagatkani.

Adubu Iswar leite haina thajariba misak amana madugi leikonda changluba matamda asumna khangani madugi leikon adu masana masabu   asum semjarakpani matomda oithorakpani haina khangani. Mahakna madu uba matamda mahak pukningda apenba amadi haraoba amata phaode. Sastrana mayek sengna eikhoida haibire, “hakchanggi oiba mi aduna Iswargi thawaigi oiba sing adu loude maramdi makhoigi damakta madu apangbagi thabak oi,mahakna madu khangbasu ngamde,maramdi madusing adu thawaigi mapanna natradi khangba ngamde.” (1 Corinthians 2: 14)

Matam amada dharmachenba nipa amaga Iswar ningdaba nipa amasi desert ki lamda lakmunnarammi, aduga makhoi animakna lambi manghanduna lammuknakhi. Matam kuina lambi thiduna leiraba matung da makhoi anina utki khonggul ama asi thengnaraduna yamna haraona lambi adu thidokpa ngamkhi. Dharmachenba nipa aduna khudakta khuru khudak kullaga Iswar thagatkhi. Mahakna Iswar thajadaba nipa adudasu hairammi, “yengu masigi khonggul asi migi natte adubu utkini haiba eina ure. Eikhoina masigi khonggul asi yengba matamda lambi asida ut ama chatlammi haiba eikhoina khangba ngammi. Aduga chap mannana eikhoina atiya asi yengba matamda masi mayam asi sembiramba Iswar ama lei haiba eikhoina khangba ngammi. Aduga khutsem khudingmaktagi eihakna Iswargi khut uba phangi.”

Iswargi machasing, prithibi malem sembiramba adu Iswarni aduga mahkki khutsem khudingmakna mahakpu khurummi. Nahakna su sembiba mapubu thagatkadabani..

Dhyan tougadaba: “maramdi taibangpan semba matamdagi houna uba ngamdaba mahakki gunsing adu sengna uhanbire, mahakki lomba naidaba panggal amasung Iswar oibagi gun adu semkhraba potsing adugi mapanna khangba ngamle. Maramdi aduna makhoi ngakpipham leite. …” (Romans 1: 20)