Feb 06 – Absurdalih!

“Lanagad-Nam d’ong-hen absurdalih” (Sanenken 18:35).

Kitung-lingan dile tordong badturnaben dete, raja Daudo amandrengnalingan dakule. Anin agaja adkinsanad aranadu orde abanudin batte, erabdaina-ling-ben. Anlen agijtaben aberna, alagad-damna do gamte asuyeman orde Kitungan asanayam a d’ongan absurdale. Ajardina, sattang mandran alagadamna batte Kitungan a d’ongan absurdate.

Ateng mandranji dertenji aninji anabsurdana ahangben asan aninjidaman batte. Ateng mandranji dertenji aninji mandrandage a baran batte anabsurdana. Aninji janang dertenji amandradamanji batte anabdaina hangteji. Bindo buteja adhageji kani-lingan saring.

Bindo angante amben aogandite Kitungan batte kuddub dete gamle, amben agalamdamten Kitungan atanimyiman asuyem mandrengna-ling-ben. Kitungan gugudage asuyemle mandran amang-ling, do kun batte mandran asuyeman hangle asanayaman sandle. Kitungan anabsittan anabsuijan dele asuyeman do asanayam batte.

Angante Kitungan mandran a d’ong timyimte do sayamte, kun batte ganalaman dete do tanakudan sikoija. Kan ambrij amben janang dele pedde mandrengna ling-ben, tanunjing-lingan galulaben, orde adayergudling do pintu-lingan galulaben. Iten asan Kitungan d’ongben dongrabt kuddub lingan do amangba d’ongben dakute? Kan ate asuyeman asan. Kitungan gamte: “U u, Hen er ahid tanimyiman batte d’ong-nam timyimle yerai. Kan asan Hen barij tanimyiman batte d’ong-nam tabruilai” (Jirimiya 31:3).

Kitungan a tanimyiman abmele ogandile gijba, sanensenan tiyba alung uggarlingben saring do abguguba a d’ongan. Bo surda a tanimyiman do asuyeman batte d’onglen dongrable abdainaiten asan, do tabruile adakuaiten asan abguguben dete.

Angante tumandgijmar jikoriya Kitungan abanangsa abmele saile, anin Kitungan a d’ong abgugule, gamle: “Anin a banangsan yan a surda! Anin a lananggan yan a surda!” (Jikoriya 9:17). Tanahimdam Kitungan a onagji, Kitungan a tanimyim-lingan badturnaba do mandrengna anab-daina dete.

Okiy Kinolbe absele: “Butente a ganugu pane’mengan do banangsan bathe g’udinglalen, Am’n a ganalamdaman bathe a Kitungdage ranaptin mandrengnan do Kitung ganangkil baran asan kuddub san‘ai Bai janabanji tiylalen. Kan batte Anin ateng janattidage do gugudam sanibdaiberanji tiylalen, yante gamle kan kudduban batte amben ordar lingan pansardi ogirj’en asan a delen a san’zdan saring ranabraban dean dele Kitungdage a taramtaman a mittub dane maranji rapti a dete.” (2 Pitor 1:3, 4).