Feb 06 – EIBU CHAOHALLI !

Iswarda matam leiba khibikta ngajaba adu Davidki damakta akhannaba lamchat oirammi. Mahakna masabu wangna thanggatchanaba mahakki lousing panggalda keidoungeidsau napan toujade. Masigi verse asida eikhoina uba phangba adudi mahakpu chaohalliba adu Iswargi thoujangi mapannani haina mahakna nollukna phongdokpirammi. Tasengnamak haiba tarabadi Iswargi thoujanna mi na chaoba ngambani.

Kanagumba misingna makhoigi heisingbagi mapanna chaoba ngammi haina thajei. Kanagumba mi khrana makhoigi heisingbagi mapanna achouba rajniti gi luchingba oiba ngammi haina thajei. Atoppa kharana makhoigi jati kanglupna mahakpu  thanggatpibani haina thajei. Adubu  makhoi kana amatana makhoigi heisingba amadi hotnabagi mapanna achouba pham phangba ngamloi.

Adubu nahakna wangna thanggatchaba phangbasi Iswargi thoujangi mapanna ni haiba nahakna thajarabadi nahakki punshi asi Iswargi thoujanna hinghanbani haiba nahakna khanglakkani. Prabhuna mahakki thoujanna mi bu nungshibiduna madugi mapanna mi adu mahakki punshida  chaokhatpa oi. Madugi maipakpa amadi chaokhatpa adugi mapanna Iswargi bor du phongdokpani.

Iswarna mi amabu nungshiba matamda mahakki chanbiba aduna mahakki aroiba phaoba koisinbiduna lei. Nahakki punshida athembada taraga ninghannaba yaba matamda yam leiramgani. Madugumlaba matamsingda Iswarna nahakpu ngaksenbiba adugi maram adu karino? Madu atei karigisu natte, adubu Iswargi thoujanni. Prabhuna hairammi,” hoi eina nahakpu eigi lomba naidaba nungshiba aduda nungshirabani.,aduna eihakna nungshibagi mapanna nahakpu  eingonda chingsinbibani.” (Jeremiah 31: 3).

Iswargi nungshiba amadi thoujan khudingmak adu munna khallu,aduga thamoi sengna  thagatlu. Mahakki nungshi thoujanna nahakpu koisinbiri, aduga mahakki chanbiba aduna nahakpu wangna thanggatpibani,aduga mahakki manakta nahakpu chingsinbibani.

Maichou Zehchariahna Iswargi aphabagi maramda wakhal touruba matamda Iswarbu asumna thagatlami, “Iswargi aphaba gun asi kayada chaorabano aduga mahaki maithong asi kayada ningthijarabano”!” (Zechariah 9:17).  Iswargi machasing, Iswargi nungshi thoujanna nahak ngajaraga leibiyu adu oirabadi nahakki punshida wangna thanggatpiba adu lakkani.

Dhyan tougadaba: “matik mangal amasung aphaba gunda eikhoibu koubikhiba mahakpu khangba maramna mahakki Iswargi pangganna hingbada amasung Iswar ningbada changba maram pumnamak eikhoida pibire, pumnamak asigi mapanna mahakna eikhoida henna chaoba amasung athoiba wasaksing pibire, wasaksing adugi mapanna hakchanggi phaoba apambadagi thokpa taibangpanda leiriba amangbadagi nanthokhouduna Iswargi mahousagi oiba gun aduga saruk phangminnagani. …” (2 Peter 1: 3,4).