Feb 05 – Bhoi!

1 Samuel 27:11 aru david kishe tai laga mon te, “itya ami hoi jabo khotom kunuba dinte saul laga hath pora. Iku bni bhal nahoi ami karone ki ami joldi polabo philistines laga matite.

David tu saul pora bhoi khai thakishe. tai mon te bhabna kuri thakishe ki ekdin nahoile dusra din te tai khotom hobo saul laga hath te. Itu karone tai ekta jaga bisari she jot esaul pora taike bisai bole naparibo aru jote tai bachi kene tahkibo paribo.

Aji laga  homoi te bi bishi pracharak khan ase jun khan bhoi khai pap rasta te giri jabole aru satan laga rasta te berabole. Itu bhoi laga karon tu hoile satan pora tai khan ke bar bar pa p te girabole kuchic kora pora hi ase. Satan kitya bi pap te giri kene thaka khan karone bhabna nakure hoilebi jun khan isor laga rasta te berai tai khan ke hi beya kuribole bhabna kure.

Jitya herod laga chukri nachi kene tai laga baba ke khushi hobole dishe, tai kityabi bi adha rajyo tu manganai juntu tai laga thakishe. tai hoilebi john the Baptist laga matha hi mangishse. Itu tu kile koile satan tu khali bhal aru hosa manu laga matha aru jibon hi lage. Itu karone kotha te koi ki pracharak khan pura ses homoi tok thakibo paribo nanai.

Davi laga bhoi saul karone bi inika hi thakishe. bhabna kuri kene ki saul pora ekdin tahike morai dibo, tai ekta bhal jaga bisari thakishe  aru tai philistines te jaishe. Tai gentile raja ke thakibole jaga karone anigrah kurishe, judi raja pora icha kure.

Kiman bi biya homoi thakishse, poila tu david ki lage tai isor Jehovah pora bi pai thake hoilebi pap te gira pichete tai ekta phistine raja ke hi mangibole ulaishe jun nijor hi bhanga kolchi nishina ase. Rahja pora taike ziglag dishe jote david bishi porikha ke samna kurishe.

Hoilebi tailaga Biswas ghura  pichete david ki kurishe? Tai isor logote jaishe aru taike bisarishe jjudi tai Jordan te thakibo pare na nai koi kene. Aru isor pora taike hebron te thakibole dishe. Itu hebron laga jaga hi thakishe jote david ke raja karone chunishe. Hebron laga motlob tu hoile kandha ase . hebron te Jehovah pora david ke kandha te hi buki she, tate hi taike ucha kurishe aru sonman dishe.

Isor laga bacha khan, jitya apuni porikha pai aru jibon te judho thake, kityabi manu laga sahara nalobi. Hoiebi isor laga sahara lobi  aru tai logote upwas rakhi kene jabi. Isor pora hosabi apuni ke bi hebron te loi jabo aru apuni ke uncha kuribo.

Aji bhaban kuribole laga pobitro kotha tu hoile, psalms 73:24 apuni  pora amike dikhabo apunilaga kotha pora, aru pichete amike mahima dibo.