Feb 04 – EIKHOINA THOUGAN TOUGANI !

“adubu ei amadi eigi imungnadi Prabhu gi thougan tougani.” (Joshua 24: 15).

Masida Joshuana mayek sengna phongdokpa ama leiri. Tamil londa masigi phongdokpa asi henna mayek sengi. Eikhoina Prabhugi thougan tougani haiba khak natte adubu asumna handokli, “eikhoina Prabhutagi thougan tougani. Makhoina atoppa iswar amagi thougan suk tou touroi haibadu mayek sengna phongdokli.

Eikhoigi Prabhu Jesu Christana haibirammi, “kana amatana mapu anigi seba touba ngamloi,maramdi mahakna ama bu nungshigani amabu tukkachagani,amada  thajaba yaraga amada laithokkani. Sen amadi Iswar asi animak thougan touba  ngamloi.” (Mathew 6: 24).  Taibangda mapu ani leibani. Amana eikhoigi Prabhu Jesu Christani amana Satanni. Nahakna Iswar bu tasengna nungshiba tarabadi mahak khakta thougan tougadabani.

Anisubada, nahakna Iswargi thougan touba matamda thamoi apumbada, thawai apumbada, amadi panggal apumbada tougadabani. Thamoi apumba amadi thawai apumba haibasigi arthadi, Iswarbu 100% thougan haibani. Lairik tamliba sastrasingna makhoigi parikhyada hundred percent phangnaba kanna hotnabagumna nahaknasu Iswargi thougan toubada nahakki leijaba panggal puthokpa tabani. “nahakki thamoi apumbada Iswarbu kijou, aduga  achumbada thougan toujou. …” (1 Samuel 12: 24).

Ahumsubada, kibaga loinana Iswarbu thougan tou. Psalmist aduna hairammi, “Iswrbu kibaga loinana seba tou.,aduga nikna nikna haraojou.” (Psalm 2: 11).  Iswrana eikhoibu laina  pigan, norokta thajingani haibagi  phattaga wakhal akiba thamganu. Adubu thamoidagi ikaikhumbaga loinana mahakpu nungshijou. Iswar kiba haibasi phattababu tukkachaba asini.” (Proverbs 8: 13).

Marisubada, thajaba yaba thamoi amadi pisinbagi thamoiga loinana Iswargi thougan tougadabani. Asumna Davidna mahakki machanipa Solomonbu takpiduna haibirammi, “eigi ichanipa Solomon,nahakki napagi Iswra adu khangu,aduga mahakpu achumba amadi pisinba thamoiga loinana seba tou. Maramdi Iswarna thamoi khudingbu thijinlaga khangbire.” (1 Chronicles 28: 9).  Misingda thougan touba natte adubu Iswar masamakpu thougan toubani haina khallu. Iswargi thougan asi thamoi sengna amadi achumbada tougadabani.

Manga subada, harao haraona Iswargi thougan tou. Sastrana hai, “Iswarbu haraoba ga loinana seba tou, mahakki leiphamda esei sakpaga loinana changlak-u” (Psalm 100: 2). Mahakna nahakpu loinabi haibasi nahakki nungaijaba oigadabani. Mahakki ningnasang asi nahakki khwaidagi haraojaba adu oigadabani. Iswargi thougan touba asina nahakki thamoi bu nungaihangani. Mahakpu seba toujaba haibasi punshida khwaidagi laibak phabani.

Dhyan tougadaba: “Eina nollukpa amasung pi tabaga loinana Ibungobu thougal toujakhi, aduga Jehudisingna sarou sinduna eibu chang yengkhi.” (Acts 20: 19).