Feb 02 – Tel chuni loa laga!

Exodus 30:31 israel laga manu khan koidibi, aha kali laga sob homoi te pobitro koribole tel ami laga kam nimite cholabo.

Isor pora moses ke koishe  ki utu pathor te aru utu borton tu sapha hobo lage itu pobitro tel pora. Itu shikai diya tu hoile  pobitro atma pora kam cholai diya laga kotha ke koi ji pora amikhan ke mukti diye. Pobitro tel tu hoile ane mamuli tel nahoi, hoilebi juntu ekdom bhal pora bonai, jitu moses ke isor Jehovah pora dikhai diya.

Itu banabole laga kotha amikhan  pobitro kotha te pai; exodus 30:23-25 sob pora bhal dalchini masala lobi, choi kilo elaichi, tin kilo bhal gun thaka beth, aru choi kilo cassia aru itu khan sob ke sorkari hisab te ojon koribi.char litre jolphai tel milabi. Aru itukhan sob ke milai kene tate bhal gun dhali kene pobitro koribole tel bonabi.

Sobse poila dalchini masala tu ekta gash laga chamra ase, jike dhar chaku pora kati kene ulai. Itu tu amikhan laga mon bhangi kene kandi kene prathana kura laga barabar ase. Dusra tu hoile bhal gun laga ilaichi itu pora amikhan ke yaad dilai ki amikhan hodai  din hi bhal gun hobo lage krista laga amikhan laga jibon te.

Tisra ,tu hoile bhal gun thaka laga beth. Itu paudha tu hoile kotha bhal pora naula homoi te cholai. Jitya itu ke bacha khan laga   mukh te lagai, titya bacha khan laga kotha ulai. Itu pora amikhan ke yaad dilai ki amikhan isor laga basha te kotha kuribo lage. Chautha tu cassia tu hoile sapha kura laga chuna tel bona homoi ted hale. Itu pora dikhai ki amikhan iku bi bodli hobole nalage amikhan laga jibon te kom thaka tu.

Jitya jolphai tel tu itu khan sob charta saman te milai, itu pobitro tel te boldly jai juntu tel amikhan laga matha te dhali kene amikhan ke chune. Itu  tel pora hi dikhai kinika isor pora chuni loa khan te itu khan adot sob thakibo lage. Isor laga bacha khan, itu bishi zaroori ase amikhan pobitro atma pora dhuri kene thakibo lage aru itu pora hi choli kene pobitro hoi kene jabo lage.

Aji bhabna kuribole laga pobitro kotha tu hoile Joshua 3:5 aru Joshua manu khan ke koishe, “sapha kuri lobi nijor ke, kile koile kali isor pora apuni khan majote achurit kuribo.