Feb 03 – Kan ate Ojoraite!

“Kan anosai kambol beranji t’od-nam saring dunglen yerdongete bindo aman antate a tam anidan ambrij a manneben asan tamba-togal kenolle j’e-ling-nam ogalla, etteden aman a godam anojoraian dete bar aman apsele banangsan dete” (Josua 1:8).

Kitungan gadlamlangte kan bo surda beran, Josua kambolan saring. Iten ambrij nami amben daku amben a godan anojorai adeben asan? Kitungan gadlamlangten anosai kambol-lingan saring t’od-nam saring dunglen ayerdonge gamle. Kan apsele anlen atij’enanben dete tamba-togal do anidolan ambrij alumben dete.

Ateng mandranji dukkadaji sarigoi ongeran adhagenji batte a dangardionanji abmele, ateng ongeran gijleji janang. Orde butn buten ate indrang sakari hageji, ateng ayam asaileji janang.

Bibolan gamte Anin itente lumte ojoraite (Sanenken 1:3). Bindo buten atagoran ojoraite? Bibolan gadlamte: “Bindo osantan Gamangtungan anosai a mananne lingan anin m’oihte, do kanate tamba-togal anin ogalj’ete, anin man’oihdam. Anin dungdamd’aban a guneb aran ambrij; anin hadab ayam lingan j’on j’ote, do a olan baldedle adnasarre. Do itente anin lumte antate ojoraite” (Sanenken 1:2, 3).

Amben pedde bibolben ateng ayam saring akznolle, kudduban saring. Amben jarugamle Bibol-lingan adakunaben dete, amben a godben anojoraian adeben asan. Tiyj’eling a bernan kznolba do Gamangtungan ajardina tagorben abojoraite.

Angante amben agijte Raja Ujia a mandrengna, Kitungan abojoraile, anin Kitungan amang adakule sikoija (2 Birinda 26:5). Ateng mandranji atgoran adnojoraihe, aninji aranapti-lingan, aganalam-lingan, abitti-linganji do mandranji anabm’oih-ling, Kitungan a d’ong er sailabe. Tanahimdam Kitungan a onagji, amben Kitungan a d’ong saile tiyj’enaba.

Iten asan gamlenden tagorbenji ojoraite, Kitungan a d’ong saile a bernan tiyj’e-ling, kan saring amben okij idjaja alumdong – kan batte abadturte amanglingan barijloge.

Tanahimdam Kitungan a onagji, angante amben Kitunglingan abadturte, amben agaja abatongben ojoraite ord idja gamle. Amben agaja abantonge baran dete orde idja. Do uggarben omdile dakute Kitungan abaraling barijloge derna batte.

Okiy Kinolbe absele: “Hen, u u Hen, bernan berrai, anin a d’ong gudinglai; Hen anin a d’ong urunglai do anin, a goddaman tungna-janage abmete” (Jisaya 48:15).