Feb 02 – Janabbob Miholan!

“Bar Israel maranji a d’ong gama: Arsangkud sangkud sikkoi ja Hen apsele kanate janabbob baran asan marid mihol-Hen dete” (Hanagod 30:31).

Kitungan Mojes a dong gadlamle tambusingan abmele do kuddub a bara lingan marid miholan batte ajanabboban. Kan aganalam beran kuddub lingan Marid Janggardan alanuma anablun abmele. Marid miholan gamlenden kayatindage a miholanted, bind obo murdadage apsele, kan ambrij Kitungan Mojes a d’ong tiyle.

Kan aganabdilan abmele, anlen bibol-lingan kznoltabe: “Mangba-nam kan a bangsa sarwm janaban panga, gamlenden sareba tambusingan a dakun a sekol danisaman ambrij, monloi sua sekol tangjab marid sarummen, do anta tungar bagu sua bakurdi-galji sekol sarwm-kuran do bagu sua bakurdi-galji sekol bo janab sarwm jzngan, monloi sua sekol sarwm-olan do bo in jito jon a miholan tartuma. Kan á kuddub janaban batte aman janabbob baranasan marid miholan, gamlenden sarwm miholan a sanabja maranji a tam lanum baranji ambrija sarwm miholan oskaia. Antate janabboban rapsele marid miholan dete” (Hanagod 30:23-25).

Anab-boi-lingan, ‘tangjab marid’ kan aboi tangjab angante gu’urte. Edanan batte aldung d’ongan agarberan aldung uggaran garberna. Anab-bagu lingan, ‘sarwm-kuran’ barij bangsa sanarwman. Kan a garamgaman anlen Kristun lingan barij sarwm-kurange dakunaben dete, mandrengna-lingan.

Anab-yagi lingan, ‘sarwm-olan’ kan aboi olan abmele gadlamte. Angante anlen abertenben adanang, sayamalangten bernan adnang. Bangsa berna-lingan orde onablingan lingan oblingte. Anab-unji lingan, ‘sarwm-jingan’ kan ate ganabdilan adnang maitabe marid janabbob adanang. Kan ate yaga do sarwm aran, do kan gadlamlangten er marid taramtamanji a umdrengben dete gamle mandrengna-lingan.

Angante olib miholan kan unji lingan manaihan dete, titte marid janabboban amiholan dete. kan a miholan Kitungan a boantanji abmele gadlamte. Tanahimdam Kitungan a onagji, kan atena jznjzn murdaman Marid Janggardan batte atabubdanaben dete do manarid lingan saring manarid lingan abasuben na dete.

Okiy Kinolbe absele: “Ante saring Josua mandranji a d’ong gamten, Ambendaman abmaridnaba. Iten asan gamlenden biyo Gamangtungan mang-ling-ben rubmangdagen a baran lumte” (Josua 3:5).