Feb 01 – HONT

Agadiyar Grandh 24:20 Ribka thottima ghudiyamar pani vundanaken pharan vaavdikan dhasan jaan pani bharan vor hunten sejini piranaki.

Yetha dekatho Abrahamer baaya Eliezer  mesaphatomia jaan masaj hunten lejathani vaavdikan vunden godivalamelotho Ribka thottima ghudiyamar pani vundanaken pharan vaavdikan dhasan jaan pani bharan vor hunten sejini piranaki.

Yek hunt het bhesajana vuncho bhesajana sada dayathi von vuj kamkarlevacha. Pani pivanu katho hunt godivalan het bhesan pani pivacha. Godiper hubarer kajako yek aach vathen yee hunter vadithi sekhlenu lagach.

Thu thar Prabhu dai godi valan pucher seeklenu. Godiper hubarer kajako hapnen apan Dever dai kamkarlen dekalacha. Kanna apan Dever dai kamkarlen ankir aasuthi araj karachako jana Prabhu samlan haav Amen kacha.

Yek choran chori deken gethey jana vu gharema chori vor roomema jaan gadi ghallen godi valan prarthana karrithi. Von chorir yadi baap prarthana karricha kethani kejanna prarthana karer vejavjeythanu thamo ketho chorar yadi baap vo chorin balayekoni jum gachab regey. Kanna vu chori prarthana karlen bhar ayeejana vor mundo Dever prasannathethi jhankreethi.

Vo chorin dekesath Dev chorar yadi baper dallema  hanu vath kido, aach chaler gharevalina dhundeyvalo kun? Vormol heera mothithi jada cha. Jannaj vo chorin vunder bodir nai karlen mannkarlidey.

Apan hunten dekatho prarthana karer kukan vuj acho Dever seva karer kan malam karlacha. Kanna yadi bap godi valan prarthana karachko jana vu beptan ashish laan melacha. Kanna Dever seva karevalo godiper hubarer prarthana karachko jana viswasi Dever saru vutan jhankach. Jethi premevalavo tham Prabhur sannidhima godivalan prarthana karachoko jana Dev thar taangeper thu hubaren sahayam karacha.