Feb 01 – Sisabongdan!

“Seletten anin bungsang lingan garenda-dangan saring d’an rubmale, okij a genben asana dam gailungd’aban aduduge iyle, kuddub sisabongdanji abmele d’an geneten” (Aparamangtan 24:20).

Anlen bibol-lingan kznoltabe Elieser, Abraam a boantan, angante anin Mesopotamiaban yirle anin batte ateng sisabongdanji pangdamlen, bo s’idrungboijan asaiben asan a gamangan a o’n abmele. Anin sisabongdanji adturdumle sengdaban, d’an atiyben abmele. Do Ribika sengdaban abriylen, do d’an anin abmele tiyle do a sisabongdanji dam ad’ong.

Angante sisabongdanji gobleji bar angante dilingji, gugudage aninji lanagadan batte turdumleji. Gadanan ayam aninji dungule galeji. Kan ambrij anlen janang ahangnaben dete ‘turdumle adakunabe’, sisabongdanji saring.

Anlen ahangnaben dete turdumle adakunaben abmele Kitungle amangba. Aturdumtabe aboi arabdan manan manannen. Angante amben lagaddamle Kitungan atimangba adakute, dalen agarberan, ajardin gamle Kitungan garberben amdangle jalangtaben ‘u’u do amen gamle’.

Bo birinda dakule aninji a onan apsele sidrungbojan saileji, bo inslon abmele amdangleji do iyleji asingan. Kun inslon ailayengji ambele anogaldamnad, do dile denna alumte ambrij alung singlingan basule dakuneten, turdumle garberlen dakuneten. Angante ongeran a birndaji agijben itsumleji, kun inslon au’a yanganji gamle anin garberlengan daku turdumle kun asan anlen ad’ongan idjaja agamai agarbertenan adnang. Do amben omdiba agarberan atakudten sikoija.

Do angante anin garberan saring dunglenai, amukkalingan danuka dakule Kitungan atimang lingan saring. Kitungan a janggardan janang ogeran a birindan a d’ong hamle dakule gamle: “Butenden dainadage a inslon hangte? Iten asan gamlenden ajanatin jznjzn murda-dam”. Ogeran a birindaji janang a d’ongan jaleji koihnan gamale a birindaji apsele sarigoi dele.

Angante sisabongdan abmele oganditabe, kan aboi Kitungan abaran do garberan aturduman abmele gadlamte, itente bangsa baran. Angante u’a-yanganji turdumteji garber-lingan, a onanji sanitage deteji. Angante Kitungan abaramarji turdumle garbertenji, dilemandranji Kitung-lingan puangteji. Tanahimdam Kitungan a onagji, angante amben agarberten, turdumle garbernaba.

Okiy Kinolbe absele: “Kan a garamgaman asan hen U’an amangban turdumtai, Anin amang saring ruang lingan do ordar lingan a dakulen a dile kulam ahiman hangleji, yante gamle Anin a ganugu panemengan a tam bittin ambrij d’ong-ben …” (Episi 3:14-16).