Jan 29 – Thik dherya!

James 1:4 hoilebi dherya pora hi thik kam hobole dibi, ki apuni bi thik aru pura hobole, iku kom nahoi kene.

Judi apuni dherya te thik hoi, apuni thik hobo aru pura hobo aru iku kom nahobo-itu hi Isor laga kosom ase. Ekta bacha butterfly laga cocoon te dikhishe aru olop din pichete itu hi butterfly hoi jaishe. Itu butterfly hobole nimite kiman bi rukhi kene dherya thakishe.

Itu butterfly kiman bi rukhi kene thakishe hoilebi itu bacha tu hoile rukhibo napare. Toh tai rukhibo napari kene blade ulai kene itu pupa laga kinarte katishe, itu bitterfly ke ulai dibole nimite. Hoilebi itu butterfly laga homoi napunchi kene tai laga gau bhari hua pora giri jaishe aru chimti pora hi itu ke uthai kene loi jaishe.

Itu bacha laga baba pora itu bacha ke koishe, kinika thik homoi te taikhan laga tissues aru veins khan ke tagot diye. Tai itu bi koishe ki kinika itu butterfly ulabole nimite tagot lagale tai laga gau halka hoi aru uri bole pare. Itu nishina hi Isor laga achurit kam apuni laga jibon te te rukhi kene dhrya thaka laga homoi te hi thik hobo.

Rukhi thakile hi apuni laga jibon te hobo thaka tu thik hobo aru Isor pora hi apuni ke bhal rasta te berabole dibo. Dherya hi bishi zaroori ase apuni khan laga atma laga jiibon te. Dherya thakibole para hi atma laga phal ase. Aru Isor bi apuni te itu phal laga icha kure. Dherya  thakibole para hi apuni ke hodai din laga ashish anibo.

Bethany te thaka parivaar ke Isor Jisu bishi morom kuri thakishe. Jitya lazarus utu parivaar pora hi thakishe aru bishi bimar hoishse tai laga boini khan Jisu ke jai kene koishe . tai khan bhabna kurishe Jisu pora ahikene ekbar te thik kuri dibo. Hoilebi lazarus bishi bimar hoishe aru Jisu ahanai. Aru lazaru morishe. Utu homoi te bi tai laga parivaar khan bhabna kurishe ki mati te dhala homoi te hoilebi Jisu ahibo, hoilebi jisu ahanai.

Jisu ahishe mora laga char din pichete aru ut homoi te hi Jisu pora lazarus ke mora pora uthai dishe. Itu dherya pora hi aru Jisu ke akha kuri kene rukhi thaka karone hi isor Jisu Krista laga naam uncha kuribole parishe.isor laga bacha khan, rukhi thakibia ru dherya thakibi sob dukh aru porikha khan te. Apuni laga kam khan deri hoi thakibo pare thik nahobo pare. Hoilebi Isor pora apuni laga jibon te achurit kam kuribo judi apuni akha kkuri kene rukhi thake.

Aji bhana kuribole laga pobitro kotha tu hoile ephesians 4:2 dherya pora, bordash kuribi ekjon ekjon ke morom te.