Jan 30 – Satid Samoihan Batte Abhadabte!

“Iten asan gamlenden butente apsele do butente batte kudduban daku, Anin ateng onanji gugu panemeng t’arban a urungten adnang, yante gamle Anin aninji a ranabtaban abanjeng Maran a d’ong satid samoihan batte abhadabte, kunate Anin apsele roitad na daku.” (Ebri 2:10).

Bibolan hanghanglangte bangsale ateng satid samoihan batte, amben abhadabte gamle do Kitungan a rajam agangte gamle. Kitungan a tanimyimdam a Onan ordarba labsolai, anlen apsele. U’an amangban aurungben asan, Jisun batte abhadabe asan, Kitungan anablun ateng satd samoyan saring.

Bibolan gamte: “Bar yante gamle Jirusalemban Anin apsele a yerben dete, do abmanggod maran, murda buyan do anosai hanghang maranji a s’in batte ateng ateng kanalkalan Anin apsele a satid samoihben dete, bar bagu saring anab-yagi dinna lingan anabdzan a deben dete na, antate kun ayaman saring a hanangan maranji a d’ong a gadlamben uneten” (Mattiu 16:21).

Pitor aboi ganalam-mar do anin murdadam gamle Kristun a hanangnamaranji saring. Seletten Pitor Anin a d’ong urungle kanaih-hanangan a tiyben susule gameten, E Gamang, Kitungan antate Aman abmele ordedongete, kanate anga janang dedongamte. Bindo Jisun daiyegudlen Pitor a d’ong gameten, E duai sum, kandungba-Hen ma yera, Hen apsele aman do anabasudan maih, iten asan gamlenden Kitungan a bernan tum aman ogandite.” (Mattiu 1621-23).

Mandran anin abanangsa abmele ogandite. Bindo Kitungan ogandite ateng satid samoihan batte mandran hadab adeben dete gamle. Angante mandran ogandite amandrngna abmele, Kitungan ogandite ordaran arakaddanglingan atangben asan. Angante mandran ogandite apemengben abgugunaben asan, Kitungan abrikadamling arakadanglingan. Tanahimdam Kitungan a onagji, Kristun aj’en manglingben dakuete!

Bibolan gamte: “Bar a jardin na bute bute Kristu Jisu Iingan Kitung-gangkil mand~ rengnan abhanaben itsumteji,-aninji kuddubanji tanamderan hangteji” (2 Timoti 3:12). “Iten asan gamlenden Kristun amang lingan a dernaben asan satta ted, bindo Anin asan satid samoihge a deben janang Kristun abmele d’ong ben asuyem taniyan dele” (Pilippi 1:29). Jisun agaja adnogandiad a hanangna maranji bangsale dakuneteji gamle. Engale susuleji, Anin aboskaile dakule kanalkalanji.

Jisun gamle: “Ordar lingan kanalkalan gatartaben, bindo umangnaba, Hen ordaran abladnale dailenai.” (Jon 16:33). Tanahimdam Kitungan a onagji, amben Kristun aj’en pangle abhananaba do dainan ahangte kan ordarlingan, kan kuddub kanalkalanji saring. Kanalkalan do tanunjingan gijle adayeguddongne Kitungan a tanimyiman saring. Hadablingan man’oihan batte hanaba!

Okiy Kinolbe absele: “iten asan gamlenden bogad Anin ampara anlen am’ukkun kahidlabenden, Anin ampara janang anrukkun m‘engtabe. Bogad anlen uywb-sayelabenden, anrukku janang anlen rajagodtabe.” (2 Timoti 2:11-12).