Jan 29 – BAROBBAR DEERETHI KHAMLER

Yakob 1:4 Tham kunsimayi kamcheniju, bharobaran, puro vena ghattarera, purovena ghatta rera, puro kameni kareda.

Thu barobbar dheerethi khamler malam karlastho thon kai kam reni kan Dev sogan kharocha. Yek nankya bala yek tithalir ghuser vindan ditto vu tithali vo vindamathi bhar ayero ghano kastam, athoi vu tithali vo vindamathi bhar athani vuncho vaden prayatna karacha, hano dheerethi khamlen rero vu tithali vadithi seekhlenu.

Vu tithali vo vindamathi bhar ayen ghano vela karrithi jana yee nankya bala dekan vo vindan kaatan hulikan bhar knako jethi vu tithali bharivethijesaru vu vuncho vadan jayen vikonitho het padagi jen keedkidi athani dorlen legey. Janna vo balar baap hano ko beta vu tithali vo ruyer vindamaj rethanu bhar avnu kankren katho vu roon vu dorathi ghat vethani bhar avjana atakalethi vadan dagarjavacha. Vu Dev demelejako dheerethi khamler jeevano vencha.

Dheerethi khamler kajako yek puro kamen dacha, vu Christhur sath chalan mot mot jagevuma jayen sahayam karacha. Dheerethi khamlen rero athmik jeevanen ghano kaam dacha. Dheerethi khamlen rero kajako yek Athmar phal venacha. Vu phal tharema renu kan Dev asa karacha. Dheerethi khamlen rero thar jeevanema shaswith ashishen laan dacha.

Bethaniya kajako gamema Yesu Christhun ghano prem kakareval yek katmalo vethi,vu katmalemathi Lazarus kajen ghano bhukarethi cha kan yesu samlotho. Vu katmaleval keldethey Yesu athani Lazarusena chipan varu karacha kan. Lapan Lazarus banchach kajako asa dagarjan lastena bhukar jaada vethani margo.

Janna vathoi Yesu athani Lazarus masanema javanaju thamadan kaiko yek karachakeldey pan Yesu kai kidokoni . Yee vathen pakthin melanakatho Yesu 4 daadepacha athani Lazarusena vor masanekan jathanu Lazarusena masanemathi jeevayavaju vadanako.

Vuj dheerethi vethey jethi Prabhur naamena mahiman layee. Yesu Christhu ma premevalavo thamar velabhaveti ma  Prabhur saru dheerethi khamlen rero seekhlenu. Vo vagathema kaam chalrikonthi kathoi dheerethi khamlen renu. Janna Dev jarur moto achamkalaro kaamen karacha. Dheerethi khamlen rero kannai chodamath.