Jan 28 – Thik Khemai!

Acts 4:33 aru dangor Shakti pora apostles khan pora gawahi dishe Ior Jisu utha laga. Aru dangor khemai sob laga uporte thakishe..

Apuni khan thik khemai lage aghe barhi kene jabole nimite thik hobole karone. Apostle paul pora koi: sob Isor laga khemai nimite hi ase. Itu khemai karone hi ase ami khan zinda ase, amikhan ekta gawahi laga jibon ase aru amikhan ministry kure. Apostles khan  poila laga girja te tagot thaka gawahi di thake Krista laga aru khemai uporte khemai thaki kene thik rasta te agh barhi jaishe. Sob manu, biswasi hoilebi aru Isor kam kura hoile bi, taike bi thik khemai lage. Itu thik khemai pora hi apuni khan itu daur te jitibole paribi. Aru itu khemai pora hi, rajyo aru Isor laga raj tu bani bole parishe.

Apostle paul tu ekta komjuri thakishe, jitu pora taike dukh di thakishe. Itu tai laga gau te ekta kanta nishina hi thakishe. Jitya tai itu komjuri karne prathana kurishe, apuni jane kinika Isor pora taike jawasb dishe? Isor koishe: “ami laga khema apuni karone kafi ase, kile koile ami laga tagot apuni laga konjuri te thik hobo” 2 corinthians 12:9 jitya khemai ase, Isor laga tagot tu sob thak kuri dibo apuni laga komjuri khan te. Apuni laga komjuri hi apuni laga tagot hoi jabo.

Jun khan Isor laga tagot te bharosa nakure, hoilebi taikhan laga nijor tagot te hi kure, taikhan hari jabo. Inika homoi te, jun khan nomro hoi kene jane ki taikhan nijor iku kuribo napare aru nijor ke Isor laga hath te hi diye, taikhan  hi khemai hi pai. Apuni khan hodai din Isor laga khema Ite hi bharosa kuribo lage.

Apostle paul pora koi: isor tu pare sob khemai khan apuni ke dibole, ki apuni, sob te bhorta thakibole aru sob bhal kam te  bhorta thakibole. 2 corinthians9:8.

Bishi zaroori tinta saman apuni khan kuribole lage, judi apuni khemai pora hi bhorta hobole mon ase:Poila, apuni khan phujir te uthi kene, nijor ghutna te thaki kene Isor laga khemai lobo lage. Kile koile Isor laga khemai hodai din notun ase, dangor ase tai laga morom lamentations 3:23

Dusra, apuni khan hodai din nijor ke Isor laga agete nomoro kuribole lage aru manu laga usorte bi. Aru Isor pora khemai nomro khan ke hi diye. Proverbs 3:34

Tisra tu hoile. Khemai porahi apuni bhorta hobo, jitya puni Isor ke dhonyabad kuribo, taike sheva kuribo aru tai laga mahima gabo.

Pobitro kotha te koi ase utu khemai, bishi manu pora phelishe, itu pora hi dhonyabad hobo Isor laga mahima ke. 2 corinthians 4:15 Isor laga bacha  khan apuni khan bi khemai te thik hobi.

Aji bhabna kuribole laga pobitro kotha tu hoile psalms 90:14 oh amikhan ke bhorta kuribi apuni laga morom pora, ki amikhan khushi pabole  aru anondo hobole amikhan laga sob dinte,’