Jan 28 – Hadab Asuyeman!

“Bar Gamangtung Jisun a yanarmengan abmele anappai maranji surda ranaptin batte sakkin tiyleji, do aninji amang lingan gugu abasuyeman dakule” (Anappai 4:33).

Amben hadab asuyeman sanaisai hadab-lingan adakunaben apsele. Anappai Pol gamte: kuddub asuyman asan. Asuyeman nami anlen amng daku, anlen bo sakkin mandrengna-lingan daku, anlen a baran lumle daku. Anappai Pol asusuna ayamling anin bo surda sakki tiyle Krsitun abmele do manarangan dele asuyeman saring asuyem-lingan do hadab asuyeman batte haling. Butedele janang hadab asuyeman sanaisai. Sattang asuyeman batte amben dainan ahangte. Sattang asuyeman batte, Kitungan arajan do Kitungan araja garobgoban gadilte.

Anappai Pol amang-ling ert’ulan dakule, itente anin apsele arasudage dakule. Aboi idba adilen ajelulengan ambrij. Angante anin garberneten ert’ualan adnang, amben agalamtepo Kitungan yangam ayerbereten? Kitungan gamle: “Asuyem-Hen tullatam, iten asan gamlenden, er t’ulan batte ranapti-Hen hadab dete” (2 Korintia 12:9). Angante asuyeman daku, er t’ul-ben adanang Kitungan a ranaptin hadab dete do t’ultaben. Er t’ul-lingan amben radu adete.

Ayengan amandranji Kitungan aranapti-ling adbadturneji, bindo aranpti-linganji, aninji ajardina daina adhageji. Kun ambrij ayamling, aninji lagad-damlen do imdamlen anlen idjajated gamle kuddub Kitunglingan surpid-damlinanjiden, aninji ajardina asuyeman hangteji. Amben Kitungan asuyem-ling badturnaben dete. Anappai Pol gamte: “Iten asan gamlenden yante gamle tordong ayam amben apsele kuddub abmele barijloge tullate, do amben kuddub bangsa baran abmele rapti abatengte, kun asan Kitungan amben apsele kuddub asuyeman- rapti abawrte” (2 Korintia 9:8).

Amben yagi murda-dage abaran alumben dete, bogad amben asuyem-ling abasutai agamlenden:-

Aboi-lingan, amben dile tagaldan diling, turdumba do Kitungan a suyeman hangba. Iten asan gamlenden Kitungan a suyeman Dile tagaldan kuni tabme dete; Aman asuyeman yan a surda! (Edana 3:23).

Anab-bagu lingan, amben dile tordong lagad deben dete Kitungan atimangling do mandranji atimangling. Do Kitungan asuyemte lagad maranji a d’ong (Bangsa Hanang 3:23).

Anab-yagi lingan, asuyeman manglingben basute, amben asenten batte, asenkenraten do abgugutn batte. Bibolan gamte: “yante gamle asuyeman ateng ateng mandranji amangban haran hare Kitungan a ganugu panemengan apsele sanensnan abalate” (2 Korintia 4:15).

Tanahimdam Kitungan a onagji, amben asuyeman batte hadab adeben dete!

Okiy Kinolbe absele: “Dile tagaldan asuyem-Nam batte d’ong-len badrijlen, etteden kuddub dinna-len anlen kenan kenle a erdikatnai” (Sanenken 90:14).