Jan 27 – Thik mohima!

Psalms 45:13 raja laga chukri tu kiman bi mahima ase rajyo laga bbhitorte!

Apuni khan laga prithibi laga jibon tu hoile mahima uporte mahima hobole lage aru thik hobo lage mahima te. Jitya apuni loi Isor Jisu Krista ke apuni laga monte, tai thake raja mahima laga hoi kene. Aru mahima laga guti apuni ted hale. Jitya apuni Krista laga Chaya te uthe, mahima laga guti juntu apuni te dhali kene thakishe itu bi thik hoi jai.

Pobitro kotha te koi ase Isor junke tai laga kamte matise, tai khan ke tai laga chokra nisina banabole nimite taikhan laga jaga rakhi kene ase aru inika pora bishi bhai boini khan bhitoret, sob pora agete tai laga chokra rakhise-Romans 8:29.  itu nimite amihan sob mukhke kapur pora bondh nakori kene Isor laga ashish ke dikhi ase jun ekta atma ase, amikhan ke arubi dangor ashish kori kene di ase-. 2 Corinthians 3:18.

Oh isor laga bacha khan, apuni khan karone akha ase mahima uporte mahima rakhi kene berabole. Apuni khan itu karone agh barhi jabole lage mahima te thik thakibole. Itu akha pora apuni ke kityabi naharabo. Itya apuni khan itu thik mahima pabole ki kuribole lage? Apuni khan buji bole lage jitya raja laga chukri ke thik kuribo mahima te. Pobitro kotha te koi:raja laga sadi te aha manu khan, ami ki koi ase itu ke hunibi, apuni khan laga manu khan ke aru apuni khan laga ghor manu khan ke pahori jabi psalms 45:10.

Itu verse te bishi bhal aru bhabna kuribole laga koth koi ken ease. Dulhan Isor krista laga hua nimite, apuni khan tu pobitrota tu akha kuribole pare, jitya apuni laga atma papte morijai. Jitya pap laga purana jibon tu khotom hoi jai, apuni khan sundor mahima laga jibon thakibole paribo. Jitya Isor JEHOVAH Abraham ke matishe, tai koishe: ulai jabi apuni laga desh pora, apunilaga porivaar pora aru apuni laga baba laga ghor pora, ekta mati te jabi jotte ami dikhai dibo. Genesis 12:1.

Kile isor pora Abraham ke inika koishe? Kilekoile Abraham pora khali Isor ke hi rukhi kene akha kuribole nimite. Khali jitya Abraham tai laga ama baba laga ghor pahori jabo, titya tai Isor ke thik pora dhuri kene thakibole paribo aru mahima te berabole paribo.

Utu dinte, Abraham pahoribole lagishe tai laga ama baba laga ghor ke, isor pora diya mati canaan te ghusibole nimite. Itu nishina hi ase, itu bishi zaroori ase apuni khan itu prithibi laga pap khan ke biya pabole aru chari dibole, apuni khan bi Isor pora diya mati swarg te thakibole nimite. Titya hi, apuni ekta thik manu hobo paribo. Isor laga bacha khan, nijor ke thik rakhibi mahima te berabole nimite. Aru Isor pora hi apuni ke itu mahima laga rasta te berabole hohai kuribo.

Aji bhabna kuribole laga pobitro kotha tu hoile revelations 21:10 aru tai amike atma pora loi jaishe ekta dangor aru uncha paharte, aru dihaishe amike dangor nagor, pobitro Jerusalem, Jehovah laga swarg pora ulai ahi thaka.