Jan 27 – Hadab Ganugu!

“Raja danggardion rajasing lingan daku” (Sanenken 45:13).

Ordardage amandrengna marangte ganugu saring gugudage do ganugu batte hadab dete. Angante amben Jisun a d’ong ajate uggarling-ben, Anin mangling-ben basute gugudage a Raja ambrij. Do gugudage abai mangling-ben padable. Engale amben marangtabe Kristun a mukkan ambrij, gugudage aneb hadabloge dakuten.

Bibolan gamte: “Iten asan gamlenden Kitungan buten buten aparmangtan galameten, Anin aninji a d’ong a Ondaman anabjongmukka-d’ong a ondaman anabjongmukka-d’ongge anabgardzn a deben asan aparamangtan tabngijetenji” (Romi 8:29). “Bindo kuddub-len er yanzm yzm mukkan batte Gamangtungan a gugu panemeng t’aran tarangij-ganijgijna lingan ambrij gijle gijle sarigoi anokken ambrij gugu panemeng t’aran saring jznjzn gugu panemeng t’arban banandan detabe” (2 Korintia 3:18).

Tanahimdam Kitungan a onagji, amben apsele derderna daku ganugu saring ganugu-lingan ayirte. Amben hadab gugu-lingan adkuten. Derna agaja adnumdrengben. Nami, iten amben alumben dete hadab ganugu ahangben asan? Amben agalamben dete do bo raja a danggardion ganugulingan hadab dele. Bibolan gamte: “E rajan a sidrungboi, l’ud-nam daludle amdanga; mandra-namji do kulam-namji a d’ong kareda-a” (Sanenken 45:10).

Lanankaban akardan gijle rabtitabe. Anlen aboi Kristun a sidrungboiji, angante anlen pitun saring karahidan hangtebe kun ayam Kitungan a manaridan delengten. Angante kuddub pintun-lenji kahidte, amben gugudage a mandrengna ling gandle araptitepo. Angante Kitungan Abbram a d’ong gudingle anin gamle: “Amandam a s’ing maranji do desa-nam bar u’a-nam a s’ingan omda-an omdale, Hen ayengan a desan d’ong-nam apsuitam, kun a desaban year” (Aparamangtan 12:1).

Iten asan Kitungan Abbram a d’ong kan ambrij gamle? Iten asan gamlenden Abram sattan Kitungan amangling badturling dakuten. Sattang kuddub karidalenden anin Kitungan amangling badturling dakute, do hadab gugu-lingan dakuten.

Kun ayam, Abram kuddub omdrengle, kanan lingan aganben asan. Kun ambrij, amben janang kuddub akaridaben dete nami itente ordar-lingan adanemaranji amangling daku, erahidage kanan lingan aganben asan-manan gugudage adarakunaba. Eteden amben hadab ganugu alun-mar-ling-ben ahangte. Tanahimdam Kitungan a onagji, gugudag atagorling ahanaben asan tij’enaba do Sion abaruling arabangte. Do Kitungan abangjingtaben gugudage atagorlingan.

Okiy Kinolbe absele: “Ansaring Janggardan batte bo surda langka bwrban anin urunglih, do Kjtungan amang saring mangan saring dungle latsolen a marid gardan Jirusalem d’ong hen apsuijeten.” (Anabpungge 21:10).