Jan 27 – BHARPURO MAHIMA

Geeder Grandh 45:13 Rajer beti khoob mahimathi cha;vor vesh rajer khotadima cha ;soner tharethi vona vanmalecha.

Thar malkemar jeevano mahimathi ajji jada mahimama badan javnu. Kanna thu thar dallema Yesu Christhun sonth rakshak kethanu maanlechiko jana Vu Dev mahimar Rajer nai vasjavacha. Thu sammorethi vodden Vu mahimar beeja tharema gaadnakach.

Dever vath kacha (Romavalun 8:29) , Kassenkatho Vor thanner beta ghaney bhayuma peloter venukan Dev ken aang malamkidochko, vunden Vor thanner betar sayar nai rena angaj niyam kidocha. 2 Corinthivalun 3:18 vachanema sada Paul kacha, Apansey vagader mundethi Dever mahimana kaachema dekaju dekan, Athmar Prabhuthi vu sayama mahimaper mahima palen rup badaljaya.

Mar premevalavo mahimaper mahima payen thona yek bharvas cha. Vu puro mahimama vaddey saru thu mundag javnu lagacha. Vu bharvas thon kannai harayeni. Abba vu puro mahimama vaddey saru thu kaikarechi? Agedi rajer beti khoob mahimathi kanna  sammor vaddan avachko malam karlenu. Dever vathema dekatho Geeder Grandh  45:10 Beti samal ;thar kaan den sos kar;thar khaas jannenan thar Baper gharena bhuljo.

Yee vachanema masaj vundo athmik rahasyam cha. Thu Christhur navleri nai rethani thar papema marjavasthoj Dever daithi Thu pavithar jeevanen asa karer vacha. Kanna thar juno paaper jeevano marajavachko janaj thu vu bharpur mahimar jeevanema jayer vacha. Dev Abrahamen balayojana hano ko, Agadiyar Grandh 12:1, Yehova – thu vutan thar deshethin, thar bhaibander daithin thar baper gharer daithi vaatchalan Ma thon dekalajako deshen jo.

Yee vathen Dev kankren Abrahamen puchrocha? Katho jannaj Abraham puro Dever vumper adharpader vacha ken. Kanna Abraham vor yadibaper gharen bhulachko janaj puro mahimama bharpur vaddan jayer viya. Cananer deshen jayervasu Abraham vor yadibaper gharen bhuler vegi.

Vuj thara thu sada vu hameshar mahimama bharpur mahimathi javnu katho thon yee lokema  kunas palan karrichko vona ann lokema chajako sejini chodan Dever dai avnu lagacha. Jannaj thar mayimar admina vu bharpur mahimathi bharer  vacha. Mar premer Dever beptavo Seeyoner gatlaper vethijako vu mahimaper mahimana payen thon thuj Deven haval karla. Janna Devaj thon vor mahimar vatema chalavacha.

Ajji jada dhyan karen pado  Darshaner Grandh 21:10