Jan 25 – Hadab Ranoitadan!

“Anten asan e tanimyimdam mar-henji, kani a sanibdaiberanji a hanglaben asan, d’ongan do janggarda-lenji dile pansardi baran saring jaba abardamnaba, do Kitungan a banantongan asan ranoitadan abhadabnaba” (2 Korintian 7:1).

Anangte mandrengna lingan kuddub asui dakute, ranoitad lingan idjaja erasui ade’e. abhadabnaben abmele, sanayaman ahangte ranoitadan saring ranoitadban.

Nami, yangam amben hadab adete ranoitad lingan? Kitungan abantongan batte, Kristun amukka batte marid delengte. Ayengan amandranji Kitungan a d’ong bantongteji aninji pintun saring sangai dakutenji bar aninji kanalkalan saring anuran hangteji. Bindo ayengan amandranji Kitungan ab-bangtongeji, aninji barij pintu-lingan basuteji. Bibolan gamte: “Duaih maran alung-uggar lingan er manannen berten; anin a ganijgij lingan Gamangtungan a banantongan agassa” (Sanenken 36:1).

Josep a mandrengna gijtabe. Amandrengna bangsale dakule a garamgam anin Kitungan a d’ong bantongle. Angante amang-lingan tanunjingan yirai, anin adgijad bo pintu mandran atimangba gamle bindo anin gijle kan aboi surda pintun Kitungan atimangba gamle ayengan a Kitung a d’ongan gijte.

Anlen kznolle galamtabe kan abmele: “Anten asan hen yan gamle kan dakkadne a surda pintun Kitungan abmele asangemle pintun rapti lumai? (Aparamangtan 39:9). Kitungan abanantongan d’onglen abahimte Kitungan aganijgijling bo surda pintun gamle, do kun saring dunglen ayirben.

Angante amben Kitungan banantong-lingan batte marid uggar anogandinji pangle adakuten. Kuni-lingan saring Anin sayamtaben yangam adungnaben dete. Amben Kitungan a d’ong bantongle manarid-lingan abhanaben dete. etteden Kitungan amihaman batte gijdataben, aberna batte do Marid Janggardan batte dongrabtaben. Angante ambendaman a Madrid-damten, ambendman a mo’ihdamten itente Kitunglen amang saring ayirtaih ate. amben Kitungan a d’ong amaiten lanankaba, anin batte manaridan batte adakuten.

Eganle Kitunglen hadabloge Marid daku, amben janang oskaidamlen manaridan batte adakuten. Bibolan gamte: “Iten asan gamlenden a On Murkundardan a sidrung ayaman ardulai, do Anin a sidrungboijan oskaidamneten” (Anabpungge 19:7).

Kristun ranukkun ababan. “Bar Kristun a j’engan a jaitan Anin kuddub janabanji dakkule, kuddub janabanji a b’oban ambrij a deben asan Anin Kristun a d’ong ranukkun a s’i lingan tiyeten” (Episi 1:22-23).

Amben ranukkun batte adakun asan, yangan anin batte maidamling adakuten- amben pintu-lingan adakulenanden? Tanahimdam Kitungan a onagji, amben hadab gamle madridamlen do bo banandan hangle Kristun amukkan ambrij adeben dete.

Okiy Kinolbe absele: “Anten asan amben janang osobale dakunaba, iten asan gamlenden ayengan a gontan, nami adde-e, gamle amben a ogandite, seletten a On Maran yertai” (Mattiu 24:44).