Jan23 – Thik uphar

es 1:17 sob bhal uphar aru sob thik uphar tu upar pora hi ase, aru nichete ahe ujala laga baba, Jun logote iku bhet bhav nai nahoile bi chaya ghuri ja laga.

Ami Khan laga ISor Jisu Krista rakhi ase uphar Khan pobitro atma laga Tai laga bacha Khan karone. Aru Tai akha Kure apuni Khan bi itu uphar te pobitro atma laga te thik thakibole apuni laga prathana aru biswas pora.

Apuni Khan hudibole mon jaibo ki ISor bi apuni Khan ke itu uphar toh dibo na nadibo aru ami Khan itu laga laik bi nai. Hoilebi pobitro kotha te koi: Psalms 68:18 apuni uphar paishe manu Khan majete, beya Khan maje pora bi, kile koile ISor tate thakibo. Ephesians 4:8 Tai uporte uthishe, Tai bondhi Khan ke bond rakhishe, aru uphar manu Khan ke dishe.

Purana niom laga homoite, pobitro atma laga uphar Khan bishi thakanai. Hoilebi notun niom laga homoite, jitya chela Khan iki logote bohe aru prathana Kure upor laga kamra te, pobitro atma taikhan logote ahe. Aru sob manu Khan bi pobitro atma laga uphar pai. Acts 2:4 aru Tai Khan pobitro atma pora bhorta hoi aru dusra bhasha te kotha Kure, atma pora hi taikhanke kotha diye.

Itu pobitro atma laga uphar pora hi ase ki apuni Khan itu prithibi ke janai ki Jehovah tu jinda ISor ase. Aru apuni pobitro kotha biswas nathaka Khan ke kobole pare. Apuni ahibo laga din ke jane aru achurit kam Khan bi kuribole pare itu pobitro atma laga uphar pora. Apostle Paul pora koi: 1 Corinthians 14:1 morom kuribi aru pobitro atma lobole icha koribi.

Bishi ase Jun hi pobitro atma napai aru misa pora hikai ki itu uphar Khan ami Khan laga khata jibonte kam nai. Bishi ase aji laga homoite bi Jun Khan biswas nakure aru pobitro atma laga uphar bi ase koi kene bhabna nakure. Aru taikhan itu uphar laga kotha ke nabuje.

Corinthians laga chap 1 te amikhan puribole pai nauta kisim laga pobitro atma laga uphar, budhi laga uphar, Gyan laga uphar, biswas laga uphar, changai kur laga uphar, achurit kam Kura laga uphar, aha din laga kotha koa laga uphar, atma ke chini Bo para laga uphar, dusra basha kua laga uphar, dusra basha Buji kene koa laga uphar. Sob uphar Khan apuni karone rakhi ase.

Itu nauta uphar nishina atma laga, itu nishina hi nauta kisim laga phal bi ase. Galatians 5:22-23 itukhan ase morom, anondo, Shanti, dhoijo dhora, manu ke morom kora, bhalbhabna, prabhubhakta, norom bhabna aru nijor ke thik rakha.

Pobitro atma laga phal aru pobitro atma eki logote thakibo lage. Bishi manu Jun Khan ke pobitro atma dishe tai Khan ghamand hoi jai, biya hoi jai tai Khan logote pobitro atma nathake. ISor laga bacha Khan apuni Khan bi atma laga phal lobi, atma laga uphar logote aru ISor laga naam uncha kuribi.

Aji bhabna kuribole laga pobitro kotha tu hoile song of Solomon 4:16 ami laga morom ke itu bagicha te ahibole dibi aru yate laga mitha phal khabole dibi.