Jan 22 – BHARPUR JOR

Jana Vu Mar krupa  thonadher ;kamjorema Mar jor bharpur vejayekan ko;jethi Christhur jor maaper rena mar kamjorervadi ma ghano khushithi motpan karuchu. (2 Corinthivalun 12:9)

Thar jorema bharpur vesaruj balamagamelochi. Tharthuj jor plero ghano motvathvencha. Philppivalun 4:13 vachan kaju , Manna jorkarevalethi ma soli karuchu ken Prabhuma jorlelenu.

Daveed Raj dadethi daad Deven jor palen ,Dever stuthi aradhana karajema jor chakan acho malamkarlinotho. Jethi Daveed kacha (Geeder Grandh 118:14) Yehova mar joran mar geedan, mar rakshan cha. Paul lakkacha 1 Corinthivalun 1:27 geneyuna laaj chutena Dev jagatheema banageneyuna tallido;joriyan laaj chutena Dev Jagetheema bana joriyana tallido.

Jethi thu thar kamjorema haayi karmath. Samuel bhakthidar sada hanu kacha 2 Samuel 22:40, 30 , Maro Dev manna yudha karen hathen jor dinocha ajji ma kunsi vairina chamkuni.

Yisraelevalevalema kunithoi kamjoreval vetheykoni. Vosey chalan jarejanna vunder tangema jorkamvikoni ann ankir roshni kamvikoni. Jethi Yehoshua 14:10-11 vachanema Kaleb kacha Moses Aigupththema melojana manna 40 varsema kathra jor vethiko abba 80 varsema sada yudhama jayana bhar ayena athraj jor chako.

Agediya thu rakshan payojana lidojako jorema hamesha ghat hubarnu. Jana sari asmaner phoj thar sath chakan kanai bhulmath. Geeder Grandh 140:7 vachanema dekatho, Mar Prabhu Yehova, mar rakshanar jor, verer dadema mar maathena Thu burechi.

Deemo Dever vathema jor cha ( 2 Corinthivalun  6:4, 7) ham hamena heryek khabaremayi Dever sevakernai malamkaracha.. Sather vatheman, Dever joreman, .. Ephesivalun 6:17 Dever vath kajako Athmar thalvarena jhallo. 2 Corinthivalun 10:4 hamar verer hathyar yee jagero koni pan, ghadena patkayer Dever jor  cha.

Romavalun 15:3 vachan padatho, Pavithar Athmar joren palen, tham bharosema badena, bharoser Dev viswasmethi avajako soli tharar khushithin samadhanethi thamena bhared.