Jan 22 – Hadab Ranaptin!

“Asuyem – Hen tullatam, iten asan gamlenden, er tulan batte ranapti-Hen hadab dete.” (2 Korintia 12:9).

Ranapti-lingan hadab adeben asan ganudingan adele. Anten asan, ambendaman aradutabenan ate murdadam. Kitung-lingan radudamlen baran lumba: “D’ong-hen abraduten a Kristun batte kuddub baran rapti limtai” (Pilippi 4:13).

Raja Daudo ayengan amandran anin dile dinna-lingan ranaptin saring ranaptin hageten kuddub a mandrengna-lingan, do Kitungan a d’ong abgugule man’oihan hangle. Anin gamle: “Gamangtungan ranapti-hen do kanenken-hen, bar Anin anablu-hen dele” (Sanenken 118:14). Er galammar, er t’ulmar, buteja mang-hen agasa gamle a kudingdongne. Bibolan gamte: “Bindo wordar, lingan itente kekadageantate Kitungan seda-eten, yante gamle Anin banuddi maranji a d’ong rapti gabroite Bar ordar lingan itente er tul, antate Kitupgan sedaeten, ,yante Agamle Anin ranapti maranji a dong rapti gabroite” (1 Korintia 1:27).

Kitungan d’aongben sedale do Kitungdage aranaptin ahangte. Daudo gamete: “Aman d’ong-hen sanun apsele ranadun batte abjidublih, do asanggem-ling-hen a dztenanji a mandranji a d’ong Aman abjaitale. Bera mar-henji a d’ong abgegeben asan Aman d’ong-hen ranadun tiytih, do Kitung-hen a ranaptin batte aninji a kintalan hen zrjable padtai” (2 Samuel 22:40, 30).

Israelmaranji buteja er t’ul adakuadji. Mojes, ayengan amandran Misor saring tandile urungetenji, buteji kun ayam er t’ulge, admangadnji orde iteja adeadji, aninji bosoa bokurdn mihnum sikoija. Kun ambrij, Kaleb anin unji-kurdi monloi mihnum dakule janang anin admagad. Anin gamle: “Bar gija, nami hen unji kurdi-monloi mihuman delih. Dele janang Mojes angante appailih angale ranadu-hen dakule, ettele nami janang daku; do sanun apsele engale ranapti-hen dakule, ettele nami janang daku” (Josua 14:10-11).

Anab-boiling do boi boi murdadam, anablu ahangte adnang amben ranaptin ahangte. Amben anablu ahangte adnang, imdam-ling araptite Kitungan do Kuddub ruangan amben ampara dakugamle. Aten asan Daudo edalen man’oihan batte gamle: “E Gamang Kitung-hen, Radu Dandrab Mar-hen, Aman sanu dinna lingan b’ob-hen ruble” (Sanenken 140:7).

Anab-bagu lingan, Kitungan aberna-ling ranaptin daku. bibolan gamte: “Bindo ateng uywb-sanayen abmele…., janardiberan abmele, Igitungan a ranaptin abmele, jandrums hngan do kandrabardisi lingan ranoitadan a handramanji bathe” (2 Korintia 6:4, 7). Janggardan a kardiban, Kitungan a berna (Episi 6:17). bindo ranrandam kantinji abrardaibcn asan Kitungan batte antate boiboi ranapLidam (2 Korintian 10:4).

Anab-yagi lingan, Marid Janggardan a ranaptin. Anappai Pol idolle Romi ranukuba: “Bar danerder Kitungari- derna ‘ lingan barij man’oihan do sanabyun’ batte badrijbente, yante gamle Marid Janggardan a ranaptin batte ‘amben. danerder lingan rapti a marangte” (Romi 15:13). Tanahimdam Kitungan a onagji, yiraiba do ranaptin batte hadab deba!

Okiy Kinolbe absele: “Aninji di dargam Sion bwr lingan Kitungan a temangban endrang tanangenji sikkoi ja aninji dile dinnan ranapti lingan marangteji” (Sanenken 84:7).