Jan 21 – Barij Lanangga!

“Barij lanangga Sion gardan saring Kitungan puangte” (Sanenken 50:2).

Barij lanangga manglen saring ranabangan deben dete, angante anlen maranglangten hanadabban. Kunina ate Kitungdage a lanangga gamlenden Kristun a mukka. Lanangganam barijloge adeben dete, angante bigardanji gijtabenji, manglen saring Kristu agijtaben dete. ‘lananggan’ gamlenden barij lananggan oede bangsa do ijaja jodlen ted aganijta. Kun ate barijloge a lanangga gijtaben dete.

Anappai Pol idole: “osantan Kitungan a ganijgij lingan ateng janattidage a delen a lagaddam do sayudam j’en a er san’zddam tanoltolan batte uggar lingan a sanoao mandrage a tanoltol an no de-ete” (1 Pitor 3:4).

Kitungan a mandranji lagad do sayu janggarda lingan dakuben dete. titte-lingan Kitungdage a lananggan lanagad-lingan daku. Angante amben Jisun amangba agijgijte, anlen galamle raptitebe Anin aboi lagad murkundardangan dakule. Aten asan lagad adakutenben ate bangsa mandrengna lingan.

Kitunglen lagad dakule, angante parusinji do duaimaranji bo intslon a d’ong jundirdiboi gamle urunglaji. Angantea d’ongan kani kuni gamleji Anin bernet gamle, Anin gamten a d’onganji: “Buteja amben pintu adlumadpo, anin arengan batte tudete a d’ongan”. Bar Anin runglen dakuneten agamlen atiki. Rungling adakutenben batte alung-ling-len alanga ranptin hangtabe. Kuni na ate aboi bangsa lananga, asuyeman alanga asuyeman batte dongrabte bo jundardibojan.

Ateng mandranji erkabdableben berling dakutenji, do aninji aninjidaman at’odanji hamle adraptieji. Bibolan bangsale gamlangten ateng bernanji pintun atengte, bindo ayengan amandran banudin batte at’odan hamte. Anlen agarberben dete lanagadan do rungna janggardan ahangben asan Kitungan amang saring.

Lanangga-lingan hadab adeben asan, Kristu abmele amben atiyj’enaben dete. bibolan gamte Anin a t’odan karran ragaldam, u u, anin kuddub lingan langgadam (Solomon a Kanen 5:16). Kitungan d’onglen sedale aboi sidrungboige, ahangben barij lanangga adeben asan. Bibolan ualangten: “Butente rayzl tagaldan ambrij t’arte do anggaijan ambrij langgidam do uyungan ambrij mardidam do dainakaban hamle dakun a sanu ompun ambrij bantongidage anin buten?” (Solomon a Kanen 6:10).

Tanahimdam Kitungan a onagji, angante amben Kitungan amang adakuten do garbernaba, amben janang barij langga gijtabenten do Kitung-lingan puangbenten. Kitungan a Marid lanangga mangben saring gijtate. Do Kitungan man’oihan batte Kitungan d’ongben gamte barij lanangga dele do aboisoi balson agasa manglingnam.

Okiy Kinolbe absele: “E tanimyim boi, aman man’oihdam do man’oihan abmeben asan yan a langgidam” (Solomon a Kanen 7:6).