Jan 20 – PURO KHAROVEN RENU

Swarger thamar Bap KHARO chaju;tham sada puro KHAROVEN renu. (Mathai 5:48)

Prabhur gunmernai Ann vaithikvadi sada vor vatema chaleroj annpuro kharo ven reroj Vor asa vencha. Jesaru Dever vachan kacha ( Levir Grandh 11:45) Ma Pavithar venchujegali tham bhi Pavithar renu. ​(1 Corinthivalun 1:9) Vor Beta apaner Prabhu Yesu Christhuthi bhlamalan rena, thamena balayojako Dev saspanero cha. Vujji Dever vachan padatho (Geeder Grandh 51:6) Mar dallema Thu saspanena asa karechi;jethi mar dallema genena sikhada.

Yek vela hannu kelatho, thon 3 varser beta cha, vu 3 idli athraj khavacha. Atho thu 30 Idli khavnu kelechike? Kathra mando baap rathoi keleni kunika. Vuj thara apaner Prabhu apaner butha hathavjathraj puro karnu kelacha.

Apaner Prabhu Vor rupernai badlavni vevnu kajako asa. Vorsaru Yedoner bagema Dev Vor rupernai Ann  polikama manikyan karen jammimaithi dhuden lelen bomman karan vor nakema vall pukarotho vu bomma banchevalo admirnai vego.

Thokdsek chekkar mukkalena yek balla karen kamaryan devatho, vu vor hathema lelen ballan thayar kareni aang vor dallema soch karacha. Vor pacha vo soch kidojummaj achethi Ann barobbar ballana thayar karacha. Hanoj kun vunder papema, sarapema, akramema haljagejen sammor karan sudho vatema chalavacha. Vor rupamema purovenchajako Dev thon darshan den puro karacha.

Jesaruj Prabhu Vor loyeethi, Vor vathethi Ann vor Pavithar Athmathi thon sudho vatema chalarocha. Mar premevalavo thar velabhaveti Ann kamjorpanema thakhjomath aaj himmath Lela. Vorsaru Prabhu thon vodgojernai deknu kelerokoni pan jeethmelojernai Ann puro kharevalernai mahimathi dekrocha.