Jan 16 – NAVVO ASMAN ANN NAVVO JAMMI

Yeshaya 66:22 Ma srushti kidojako yee navvo asmanan navvo jammi haal veniju Mar prasannathema thaman resaru thar khandaan ann thar naam  thaman revacha yeej Yehovar vaath.

Yesu Christhur mayi kunvatho navvo srushti vemelechko vunder vaasu navvo asmanan navvo jammi ghasan dekaricha. Vu Yesu Christhuj saso Dev kan kunvatho viswas karan dallema viswas karachko vunder vaasu navvo asmanan navvo jammina Prabhu thayaar  karrocha.

Yesu Christhu maran paran vuncho jayeni aang Vor chekavun dekan hano ko, “Mar Baper gharema ghane vasser jaag cha. Ma thamar saru jagen thayar karesaru jaarochu. Abba asmanema thar saru ajethanu gharen thayar karrocha.

Yekhaptha sochkar khaali 6  Dadema srushti kidojako yee srushti ma samunder ,gatla, loyal, masaj thara phaldeval jhadaj athra jada sundrethi chakatho, 2000 varser angethi apan resaru bhandrojako vu navvo malak ajji kathra sunderethin hamesha dekaju riye kunika.

Darshaner Grandh 21:27 vachan prakar agediya srushti kidojako Yedoner bagema Satan athanu Havvana mosa karnakithi lapan yee navvo asman ann navvo jammima Christhur loyeema kun doramelecko vo athraj rerviye ajji dusar kuni Satan reda ayerveniju Yesu Prabhu satanen andharer khayema sanklithi bhandnakacha.

Noah ann vor ghareval athraj vo jhaajema jayer vithi, vu jhaaj asmanethi 40 daad rathan diye thamanaju pani padijerpacha Ararath kajako Gatlaper thamgithi, jana Noah jhajemathi bhar ayojana agedi vethijako ann vetheyjako srushti kai cheniju seyji Hall vegi abba Noah ann vor ghareval navvo dharthiper navvo khandanethi taang melocha. Jana Noahar katmaler vadithi navvo khandan thayar vicha.

Yek thithali vor veenda yek paneper melacha. Vo vindamathi pilpila pedavethani vo panevun khaano dacha. Yee veendaseyji kamaladakal vethani nankis cokunesarik ven paneparaj nadakavaju vejavacha. Athoi thidsek dadepacha vuj vindathi ajji sunderethi chajako ach thithlir nai thayar vejavacha. Abbethethi vu thathali vodan pharajako sari jaag navvo jagaj ann navvo bagevumaj.

Mar premer Dever beptavo thu sada ankimichan kadathrama Christhu vadithi mahaimar jeevada lelen vo navvo hariyar bagema jachi. Vo jagema abba apan anubhavicharejako kunsi velabhaveti reni. Ajji jada dhyan karen pado

Darshaner Grandh 21:1 Pacha ma navvo asmanenan, navvo dharthina ditto;agaiyar asmanan, agadiyar dharathi cheniju vegi.