Jan 16 – Tabme Riangan, Tabme Ordaran!

“Iten asan gamlenden engale Hen a gabdelten a tabme riangan do ordaran temang-Hen di tordong dakute, ettele tega-benji do ahim-ben tordong dakute. Kanate Gamangtungan gamte” (Jisaya 66:22).

Tabme Riangan do Tabme Ordaran butente butente tabme ganadelan deleji Kristu-lingan aninji apsele omdele-daku. Kitungan gabdele tabme riangan do ordaran butente butente barij uggaran batte Anin a d’ong jateji ahimlingan aninji apsele.

Kitungle Jisu ruangan indrang yire adnang, a hanangna maranji amang gijgijle gameten: “U’a-Hen a s’ing-ling ateng sabjasing maranji daku – Hen amben apsele darakuna yijte sabjanai”. Kan a denna saring, Anin jajingante a s’ing gabdelle.

Angante Anin ordaran gabdele tudru denna lingan, bo surda langa gijtate ganunganji, barunji, adijdijbarnji do tambigardan j’onji, ogandile gijba yan abangsa kan ate, tanimdam do erahid man’oihan tabme darakuna gabdelte bagu ajar saring gabdelle daku!

Angante Kitungan gabdele ordaran, sonuman janang edon kuttaban ganle j’adan illen do oban a d’ong kurle. Bindo sonuman tabme ruangan do tabme ordarlingan adgane. Iten asan gamlenden Kitungan sonuman a d’ong tolbadte dile tordong abmele. Tabme riangan do tabme ordaran amben sattan apsele ayengan amandranji Kristu-lingan tabme gadeleji. (Anabpungge 21:27).

Purban ayamling, Noa do a birindanji bungsang-lingan ganleji. Titte bo surda ganuran dakule ateng denna sikoija, er kaddablingben. Bungsangan adtuneten adnang, Ararata baruban gamle. Angante bungsang-lingan saring Noa labsolen, anin gijle kuddub ordaran bartabmele. Papwr maranji ranabanang adead. Anin tabme ordarar-lingan labsolen do tabme birindan gadele a birindan saring.

Aboi konkordin adren boo la-lingan adreten. Kun adre-lingan aon konkordin duntinai do olanji jumte. Do kononrdin gadelte ateng ayam erdinglabe. Bindo asui ayam atiki, bo surda konkonrdin gadelte do bo tabme ordarba yirtai. Papwr ordaran aboi olan. Bindo bo surda tabme ordaran gamlenden kan labo ordaran ate gadlamte.

Tanahimdam Kitungan a onagji, angante amben ruangan rajamban agante, amben bo banandan ahangte do Kristu amukkan taniyan dete, do bo tabme panuangan batte agante. Do tittelingan pitun, anangan, bimbiman do dulaijan ad-dakue. Titte-lingan tagalan orde amadan adakue.

Okiy Kinolbe absele: “Ansaring bo tabme riangan do tabme ordaran hen gijlai, itenasan gamlenden abmang riangan do abmang ordaran s’zdleji, do ganingdan janang okij agassa” (Anabpungge 21:1).