Jan 14 – NAVVO MANN

Romavalun 12:2 Tham yee dharthina chajer sayana pereniju, Dever achon, maaneran, barobarer khather kaikan kalalena thamar mann navvo vajethi roop badlalo.

Thar jeevadar vimochan yekkaj dadema vejavacha. Thar mann parivarthan avnukatho thu Dever vathen vanchnu ann Devethi bhalan jada prarthana karnu. Kanna thu araj karajema jada jada vundo jachiko jannaj thar mann badlavni vevacha.

Agadiya Apostle Paul  mann badlalero kajako vu vath paapirvasu koni pan kunvatho viswaskaran Yesu Christhur loyeema doramelecko ann Pavithar Athmathi abhishek palithani niyathema chalrechko vunden chajacha. Thu  vimochan payojako anubhav ann abhisheken thamalden dhadi thar mann badlavni vevukarnu.

Deemo Prabhu derojako nirdeshmena mann badlalethanu kaan den samalnu. Ma badlavni karuchu kerokoni lapan agedyaj thon Christhur loyeema dhonaken badlavni karankochu kan Prabhu kerocha. Jethi Prabhu thona navvo dall ann navvo Athmana demelocha.

Vu Prabhu navvo jorena ann navvo thakathen sada demelocha. Dever daya heryek parabhathi por navvo racha. Yeseji karrojako Dev mann badlavni karlenu kajako vu kaamen thar hathen demelocha.

Aba kukan tharthuj mann badlavni karlenu?  Yakob 1:21 vachanema hano cha, Jethi tham soli tharar doshenan, maand gonena chetikarden, thamar dallema gadaan thamar Athmana rakshan karena jor karajako Dever vathena shanthithi maanlo. Thar dallen Dever vathethi barley vu Dever vathen maanlen, vo Dever vathevather nai banchan vuj Dever vathen viswasmethi hakkam karnu.

Dever vathemaj jeevan Athma cha vu vath thar jeevadana jeevano lavacha. Dever vathethij satahnana harayer vacha. Kanna thu  Dever vathen thar dallen bharlethanu rathan diye vanchechiko jana yee loker adothedo kunsi thar mundag kaamkareni kan herdeymella.

Ajji jada dhyan karen pado 1 Pethru 1:13 Jethi tham thamar manner kadena bhandlen, kalaler genethiren Yesu Christhu dakavajana thamena dajako krupaper bharosethi ro.