Jan 11 – Notun daur!

Phillipians 3:13-14 ami ekta kam kore, pahorijai utu sman khan juntu pichete ase aru pungchibole age utu saman khan juntu agete ase, ami dhure utu manzil te inam pabole juntu Isor pora Jisu Krista lagan am te matibo.

Jitya apuni notun hoi jai Krista te, apuni khan bi ekta notun daur pai nijor nimite, notun rasta itu daur karone, aru notun manzil bi itu rasta laga. Itu karone, apuni utu khan pahoribo lage jintu pichete ase aru notun dish ate utu khan pungchibole juntu saman khan agete ase.

Jun manu khan prithibi laga nazar pora sai prithibi laga mukut pabole nimite itu khan tu khotom hobole laga ase. Greek manu khan hoile protijugyata te phul aru pata khan laga mukut ke lagai diye, juntu sukhi kene biya hoi jai. Hoilebi apuni khan itu daur tu hodai din laga mukut pabole nimite ke polai ase. Itu daur khotom hoa laga homoi te, Isor pora apuni khan ke ekta uphar dibo mukut hosa laga, mukut mahima laga juntu khotom nahoi aru hodai din thake.

Bishi biswasi khan asejun  khan hi itu daur te polaishe aru amikhannlaga age homoi te juntu tai khan ke dishe. Aru itya bi bishi inika ase jun khan bishi bhal pora itu daur te jitibole parishe. Hoilebi apunikhan laga daur tu kinika ase? Asolte itu daur laga duita bhag ase. Ekta bhag tu hoile apuni khan laga pichete ki ase itu ke pahoribole lage aru dusra bhag tu hoile agete ki ase itu ke punchibole llage. Titya bhi apuni khan itu daur te jitibole paribo.

Utu homoi te lot laga parivaar khan tu utut pahar phine polaishe itu Sodom laga ses homoi  te. Hoilebi lot laga maiki tu pichete ki ase itu ke pahoribole paranai. Tai pichete saishe aru tai nimok laga khuta hoi jaishe (genesis 19:26) pobitro kotha te koi hinibi oh chukri, manibi aru kaan dibi; pahori jabi apuni khan laga nijor manukhan ke bi, aru apuni laga nijor laga baba ghor ke; toh raja pora apuni laga sundor ke bhal lagibo. Psalms 45:10-11. Toh judi apuni laga jibon tu Isor Jisu ke dibole mon ase, titya apuni laga purana aru papi rasta ke pahoribo lagibo.

Israelites khan tu tai khan laga Egypt pora canaan laga rasta te thakishe. Hoilebi tai khan laga mon te, taikhan bhabna kuri thakishe tai khan uga laga khira aru adua, piyas khan ke.aru itu karone hi tai khan canaan laga manzil te bishi pungchca nai. Apuni khan laga agete apuni laga swarg laga ghor ase aru hodai din laga khushi. Aru itu swarg laga rajyo tu hoile Jisu Krista laga ujala pora hi jule.

Isor laga bacha khan, pahori jabi utu khan juntu apuni laga pichete jaishe aru agete ki ase itu ke pungchibole khuchis kuribi aru inika hisab pora jabi ki apuni khan bi Jisu Krista laga naam pora Isor laga inam ke jitibo paribo.

Aji bhabna kuribole laga pobitro koth atu hoile 1 corinthians 9:24 apunikhan najane ki jun khan daur te polai tai khan sob bi polai, hoilebi khali ekjon hi inam pai? Polabi inika hisab te hi apuni hi pabo ituke.