Jan 11 – Anouba lamjel!

“ichin inaosa madu eina phangle haina khanjade, adubu eina toujaba amadi lei, madugi eina tungda leihouba adu kaothoklaga mangda leiba au tajei, Christa Jesuda Iswarna mathaklomda koubibagi mana adugi damakta eina panthungphamda eina chelli.” (Philippians 3:13-14).

Nahakna Christada anouba khutsem oirakpadagi nahakna anouba lamjel,anouba lambi amadi anouba panthung phangle. Maram aduna nahakna houkhrabasing adu kaothoktuna lakkadabasing adugi maramda kanna chengadabani.

Taibangggi oiba mioibasingna taibanggi oiba potsing amadi taibanggi manthaba yaba luhupsing thiduna lei. Greek phaoraba lamjel da athoiba mi adu una amadi leirang phajaba asi uppiduna ikaikhumnaba utpani.Adubu nahakti lomba naidaba luhup phangnabagi damakta chellibani. Nahakna lamjel adu loisillabada Iswarna nahakpu dharamchenbagi luhup,manthaba yadaba luhup uppigani aduga madu lomba naidabani.

Eikhoigi mangda asengba misingna makhoigi damakta thambiramba lamjelsing adu chenba loirabani. Ngasiphaosu makhoi adu eikhoigi damakta leichilgi sakhi gumna leiri. Maramdi makhoina lamjelda maipakkhi. Adubu nahakna madugi lamjel adu karamna chengani? Tasengnamak masigi anouba lamjel asi saruk ani thokpani. Saruk amadi houkhrabasing adu kaothokpa aduga saruk anisuba adudi manglomda lakkdabasing adugi damakta chenba asini. Maduda nahakna lamjelda maipakpa adu oigani.

Matam aduda Lot ki imungna   Sodomgi mangtakpadagi thawai kannaba chinglomda chenkhi. Adubu Lotki nupina tungda kari leibage haiba adu kaothokpa ngamkhide. Mahakna tung yengduna thumgi yungbi onkhi.(Genesis 19:26).  Sastrana hai, “Tabiyu, ichanupisa,nahakna nana cheptharaba wakhal toubiyu,nahaki mising adusu kaothokkhro,adu  oirabadi Ningthou na nahakki ningthiraba sak adu thoidokna pamjagani.” (Psalm 45:10-11).  Aduna nahakna Iswarda chetna liege haiba tarabadi nahakna Adam dagi thangtharakpa ariba papki lambising adu kaothokkadabani..

Israel machasing aduna Egyptagi Canaan tanna lakkhi. Adubu makhoigi thamoidagi Egyptki thabi, chanam, amadi tilhou mayam adu chaningduna leiri. Aduna makhoigi marakta ma mayamna makhoigi damakta wasakkhraba  Canaan lam adu youba ngamkhide. Nahakki mangda nahakki swargagi oiba lomba naidaba yum adu leiri. Aduga swargagi oiba ningthou leibak adu Prabhu Jesugi matik mangalna nganthoiribani.

Iswargi machasing, tungda leibasing adu kaothoktuna manglomda leibasing adugi damakta kanan chelllu,aduga nahakna mana phangnaba kanna chellu.

Dhyan tougadaba: “lamjelda mi khudingna chelli adubu mi ama khaktana mana phangi haibasi nakhoina khangdabra? Nakhoinasu phangnaba chellu.” (1 Corinthians 9:24)