Jan 10 – NAVVO PHAL

Paramer Grandh 7:13 Doodeval jhad suvanthen dericha mar premeval ma thar vasu gokan melmelojako masaj tharar jhader achphalamevun kachan paakkeychajako hamar darvajer godaper latakreecha.

Apaner Prabhu sejini navvo karevalo cha. Vu Dev kunvatho phalen deninu banchrechko vunden phaldaju karacha. Kun khatPhalen derechko vunden meetjaraak chajako phaler nai thayar karevalo cha.

Thu acho phal deval jhader malkavun layochikela. Von gaadevasu thar jammin achethi sedyam karan vunden naatajerpacha, vo malkaseji voddan ach phalen dinich katho thona kathra khushi lagach kunika.

Yernaij Dev sada thu phal deval jhader nai renu kethanu asa karroch. Yek ghulrer jhaden yek yajaman naatan theen varas khath ghalan paani ghalan dttotho vo jhaden phulicheni ann phalbhi cheni jana vu yajaman ko yee jhadethi yee jammisada kankren haal venu yena kaatnak kotho vu malik, maari yajaman dayakaran  yee varas sada deka navatho kaatnak kan nora kido.

Jethi vu jhad kothranaju bachagich. Yekvela vuj jhad vater vacha ridivatho von kuni khathar kartheykoni. Ajjek ghulrer jhaden dekan ajji kannai tharema phal ayenj kojana vu jhad phal dinikoniju sukhagi jummaj thu phal nadaju ratho thar gathi sada hannoj riyekaiko.

Lapan Geeder Grandh 1:3 vachaner prakar thu panir rungalir  bagal gadan, vor dadema vor phal dena, paan kamalaayeni jako jhader nai renu. Ezekel 47:12 vachanema lakkan cha  , Nandir karader doipakthin khayen phal der sey tharar jhadevo vaddan avukaracha, vunder paan sukhayeni. Vunder phal heta jhadeni, yee nanadir paani pavithar jagemathi paran a rich jethi vo jhad menar meenan phal lagacha, vunder phal khayervasu ann vunder paan aushadhamevasu vupayog karacha.

Ajji Dever vath kacha Galathivalun 5:22-23 Pan Athmar phal kaikatho- Prema, khushi, samadhan, dheerethi khamler, daya,, aach guna, viswas, shanthi banahaayi yej;assen dhvesh karer niyam kai cheni. Mar premer Dever beptavo yeej Dever asa thu Athmar phal phalnu kajakonaj.

Ajji jada dyan katen pado Hebrivalun13:15 Jethi Vor namena sthuthi karer hoter phal sthothramer  bhokanena, Vothi herghadi  Deven chadama.