Jan 08 – NAVVO JEEB

Yeshaya 6:7 Yee thar jeeben cheepijegali thar paapen Prayaschith malgich ann thar dosh dhoragich kan ko.

Apaner Dev kannai navvo karevalo cha. Thar munden, jeeben ann  thar hoten sada pavithar karevalo cha. Kanna Dev hano navvo karajana thu Vor seva kareja ann Vu pavithar namena heryek jaag keja ann Vu pavithar namena geedey bolan sthuthi aradhana karan mahima karnu. Dev Yeshayar jeevanema yek mahimaro ann ghanatharo bhakthidarer nai karnu kan dallema ghat karlido.

Lapan Yeshayar jeeb apavitharethi vethi. Yeshayan moto bhakthidar karesaru vor apavitharethi chajako murder jeeben chipan pavithar karer vegi. Jethij Dev balipeetameparethi Yeshayan chimtithi pakalden hano ko “Yee thar jeeben cheepijegali thar paapen Prayaschith malgich ann thar dosh dhoragich kan ko”.

Yetha hapanen kai malamvacha katho Dev yek admin valdenukelatho vor mundo, jeeb ann hotsada pavithar venu. Thar jeeben pavithar karan thar mundemathi navvo geeden bolero Dever asavencha. Dever vath kacha (Geeder Grandh 149:1) Dever naamena sthuthi veda! Vo Prabhuna navvo geeden bolo, bhakthidarer malavema Dever mahima veda.

Yee vachanema Daveeder anubhav kai cha? Vachanema dekatho Geeder Grandh 40:1-2 haaler khadeymathin, chikanochatt keecheymathi manna vuncho padan, maar taangena bandaper thamadan, mar paggena ghat karan apaner Deven sthuthi karer navvo geedena mar mundema dino;ghaney yena dekan dhaakethi Yehovaper bharoso rakadacha. Yee vachanema “navvo geed” Kajako vathen herdemella.

Thar jeebethi cinimar, haasesaru ann rammevasu geedey bolmelecho kaiko. Pan abbayethethi thu navvi geeden bolnulagacha. Dusro bolithi pavithar geeden bolan athmik vadi anand payechi. Vorsaruj Dev thona pavithar jeeben denu kelerocha. Yeej Deven sthuthi kareroj thar jeebemathi thar mundema avnu.

Janaj thu yee dharthiparan heryar baagema sada Deven mahima karechi. Apostle Paul lakkacha Ephesivalun 5:19-20 Geedethin, vajavajavathey, Athmama sthuthi karthey, yekken yek akkal kethey, thamar dallema Prabhu na geed gaavathey, apaner Prabhu Yesu Christhur namethi hamesha solirvas Baap Devena sthuthi karo.

Mar premer Dever beptavo yee akharir dadema navvo geeden hamesha dusar vathema bolukarnu. Vuj navvo geeden bolthey apaner Prabhu vajaleper avajana puro dallethi yee geeden bolan navvo sthuthi aradhana karen bhalacha .

Ajji jada dhyan karen pado Geeder Grandh 100:4 Dharthir sokali lok Yehovan anander kalakari maaro.