Jan 09 – Tabme Man’oihan!

“Iten asan gamlenden Kitungan a rajaman jumjumlen do gagalen ted, bindo ranoitadan, sanabyun do Marid Janggarda lingan man’oihan maih daku” (Romi 14:17).

Kan akarda lingan, anappai Pol idolle Marid Janggardan sanle Tabme man’oihan. Kristun amangba endrang yiraiben amang, man’oihan ranabangan dete gaganalingan do gasal-lingan. kan ate ranabangan dete gasalmaranji amangling do cinemaban, kayating lingan, maina do gardinji batte. Kan ambrij a man’oihan bo bardika abmele sattang.

Bindo angante amben Kristu lingan tabme garadilan adete, bo surda man’oihan ayangte – Marid Janggardan a man’oihan. Anappai Pol idolle Episi aranukkun amangba: “do amben a monnan a janggarda lingan rongdage deba, bar rong taramtam ranotudge roludnaba. Ammo Kirungan ambrij ranoitadan bar janardin a manarid lingan ganabdelan dele.” (Episi 4:23-24).

Tabme janababan, tabme janggardan do tabme man’oihan kan kuddubanji danelingben dakute. Kan kudduban Kitungan tiyaiten anlen abmele. Kitunglen Jisun gamete: “Bar gijba, Hen U’an a sanibdai taniyan mangba-ben appaitai. (Luk 24:49). “bindo asui dinnan a tiki Marid Janggardan batte amben tanabuban a dete.” (Anappai 1:5).

Anin enrang ruangba yire adanang, Gamang Jisun sanibdai beran oblingle asanayam maranji a d’ong. Anin gamle: “Bar Hen U’an a d’ong garbertai, do Anin bo bzgarda Danandraban tiytaben, yante gamle Anin tarda ayam amben ampara rapti dakuten. Manan, Janardin a Janggardan na. Anin a d’ong ordaran rapti ajjae, iten asan gamlenden ordaran Anin a d’ong rapti aggije, orde Anin a d’ong rapti aggalame. Bindo amben Anin a d’ong a galamle, iten asan gamlenden Anin amben ampara daku, do mang-ling-ben dakuten” (Jon 14:16-17).

Jisu Kristun Anindaman sanayammar. Do Marid Janggardan bo tabme sanayammar. Anin amben ampara dakuten do sayambenten. Yangan ambrij Anin babyebenten, sabyubenten do hanghangbenten. Yang abangansa kan ate manglinglen abasuten abernan!

Mandradaman a Janggardan ert’uldamnadam. Anten asan, angante amben aderderten mandradaman a janggardan lingan, amben kalaibelaige debenten, do alumte abaraji kudikota dete. janggardaben tanunjingan do danukkan pangtai. Aten asan Raja Daudo garberlen man’oihan batte alulunaben Kitunglingan do anablu ayangben asan (Sanenken 51:12).

Angante amaben maidamnalingan adakuten do Janggarda lingan, amben man’oihan anablu-ling, man’oihan uggar do bangsa ganijtalingan. Angante amben Janggarda lingan barij adete, amben lumle araptite bo surda baranji birindaben do Kitungan batte, man’oihan uggarben batte. Kitungan a pasijanji, amben tabme janggardan do tabme man’oihan batte barij deandele dile dinnan mandrengnalingben adakunaben dete.

Okiy Kinolbe absele: “Iten asan gam1enden dajing mandranji Kitungan a Janggardan batte’ anabanjengan deteji, aninji Kitungan a onggeronanji na.” (Romi 8:14).