Jan 08 – Tabme Usaltaman!

“Bar anin t’od-hen hamang arardetudan batte abjable gameten, Gija, kanate usaltam-nam jabeten. Bar nami anersz-nam ganosodan dele do pintu-nam tanamadan dele” (Jisaya 6:7).

Kitungle kuddub tabme abmete a mandran. T’odnam, alangnam do usaltamnam Anin tabme abmete. Angante Anin tabme abmete, amben abaran lumle aberan apemengben do abgugule senkenraben dete kznkznan kzle.

Gamangtungan tabme bara alumben itsumle Jisaya amandrengna lingan – a d’ongan apemengben asan bo ranapti do gugudage a tumadgijmar gamle. Bindo Jisaya a usaltam er marid dakule. Anten asan, a t’odan do ausaltaman ajablen atikki anin bo surda tumadgijmar dele. Kitungan tambusingan aradertudan batte jable, do gamle: “Gija, kan batte janaban dele usaltam-nam; er bangsa baranamji anamdungan dele, do pintunamji ganosodan dele.”

Bogad Kitungan mandran a d’ong ahamdramben dakulenden, a t’odan do a usaltaman bartabmeben dete. kan ate Kitungan aitsum bartabmeben apsele do tabme kznan Anin apsele akznben dete. bibolan gamte: “Amben Gamangtungan a d’ong senba! Gamangtungan apsele tabme kanenkenan kenba; Anin a badloyim maranji a ranukku lingan Anin a d’ong senkendraba” (Sanenken 149:1).

Iten ambrij Raja Daudo dakule kun ayam? “Anin d’ong-hen bantongidage a parduran saring do jaru kanlungsolan saring abdzle urunglih! Anin j’eng-hen arengan a langka dakkule do panadjeng-henji erztnage abmele. Anin t’od-ling-hen bo tabme kanenkenan dakkule; Kitung-len amangban bo sanensen kanenkenan tiylih. Atenganji gijan gijle bantongtenji, do aninji Gamangtungan amang lingan dertenji” (Sanenken 40:2-3).

“Pede t’od-ben cinema kznan kzte, orde kayating akanznan kznte. Bindo kan a tiki amben tabme kanznan akznte. Amben janggardadage akanznan akznte, do abgugule man’oihan batte. Kitungan tabme t’odan tiybenten. U’u, anabguguj’on usaltaman t’odben saring. Amben Kitungan a d’ong abgugute janggardadage do ordardage janang.

Anappai Pol idolle Epesi aranukuba: “sanenken, kanenkenan, do Janggardadage kanenkenanji batte aropungle, Gamangtungan a d’ong uggar-benji batte senenkendraba. Gamangtung-len Jisu Kristun ahim lingan butente Kitungan do U’an daku, Anin a d’ong tarda ayam kuddub janabanji apsele lemsenba” (Episi 5:19-20).

Kitungan a pasijanji, kan a tanakud ayamling tabme kanznan tabme t’odan batte. Angante anlen maitenben Kitungan batte, anlen tabme kanznan batte, tabme anabgugu do tabme ma’oihan uggarlen saring adeben dete.

Okiy Kinolbe absele: “Sanensenan batte Anin a sanangbanji do lanemsenan batte Anin a rondardiban ganba. Anin a d’ong senba do Anin ahim lingan senkendraba.” (Sanenken 100:4).